________________
तीसरी दशा
तेतीस आशातनाएँ
सूत्र-सुयं मे आउसं! तेणं भगवया एवमक्खायं-इह खलु थेरेहिं भगवंतेहिं तेत्तीसं आसायणाओ पण्णत्ताओ।
प०-कयराओ खलु ताओ थेरेहिं भगवंतेहिं तेत्तीसं आसायणाओ पण्णत्ताओ? उ०-इमाओ खलु ताओ थेरेहिं भगवंतेहिं तेत्तीसं आसायणाओ पण्णत्ताओ,
तंजहा-१.सेहे रायणियस्स पुरओ गंता, भवइ आसायणा सेहस्स।२.सेहेरायणियस्स सपक्खं गंता, भवइ आसायणा सेहस्स।३. सेहे रायणियस्स आसन्नं गंता, भवइ आसायणा सेहस्स। ४. सेहे रायणियस्स पुरओ चिट्ठित्ता,भवइ आसायणा सेहस्स। ५. सेहे रायणियस्स सपक्खं चिट्ठित्ता,भवइ आसायणा सेहस्स।६. सेहे रायणियस्स आसन्नं चिट्ठित्ता,भवइ आसायणा सेहस्स। ७. सेहे रायणियस्स पुरओ निसीइत्ता,भवइ आसायणा सेहस्स। ८. सेहे रायणियस्स सपक्खं निसीइत्ता,भवइ आसायणा सेहस्स।९. सेहे रायणियस्स आसन्नं निसीइत्ता,भवइ आसायणा सेहस्स। १०. सेहे रायणिएणं सद्धिं बहिया वियारभूमिं निक्खते समाणे तत्थ सेहे पुव्वतरागं आयमइ, पच्छा रायणिए, भवइ आसायणा सेहस्स।११. सेहे रायणिएणं सद्धिं बहिया वियारभूमिंवा विहारभूमि वा निक्खंते समाणे तत्थ सेहे पुव्वतरागं आलोइये पच्छा रायणिए, भवइ आसायणा सेहस्स।१२. केइ रायणियस्स पुव्व-संलवित्तए सिया, तं सेहे पुव्वतरागं आलवइ, पच्छा रायणिए, भवइ आसायणा सेहस्स। १३. सेहे रायणियस्स राओ वा वियाले वा वाहरमाणस्स अजो! के सुत्ता? के जागरा?' तत्थ सेहे जागरमाणे रायणियस्स अपडिसुणेत्ता, भवइ आसायणा सेहस्स।१४. सेहे असणं वा, पाणं वा, खाइमं वा, साइमं वा पडिग्गाहित्ता तं पुव्वमेव सेहतरागस्स आलोएइ, पच्छा रायणियस्स. भवड आसायणा सेहस्स। १५. सेहे असणं वा. पाणं वा. खाइम वा. साइमं वा पडिग्गाहित्ता तं पुव्वमेव सेहतरागस्स उवदंसेइ, पच्छारायणियस्स, भवइ आसायणा सेहस्स।१६. सेहे असणं वा, पाणं वा, खाइमं वा, साइमं वा पडिग्गाहित्ता तं पुव्वमेव सेहतरागं उवणिमंतेइ, पच्छा रायणिए, भवइ आसायणा सेहस्स।१७. सेहे रायणिएणं सद्धिं असणं वा, पाणं वा, खाइमं वा, साइमं वा पडिगाहित्ता तं रायणियं अणापुच्छित्ता जस्स जस्स इच्छइ तस्स तस्स खद्धं-खद्धं दलयति, भवइ आसायणा सेहस्स।१८. सेहे असणं वा, पाणं वा, खाइमंवा, साइमंवा पडिगाहित्ता रायणिएणंसद्धिं आहारेमाणे तत्थ सेहे-खद्धं-खद्धंडागं-डागं उसढं-उसढं रसियं-रसियंमणुन्नंमणुन्नं मणामं निद्धं-निद्धंलुक्खं-लुक्खं आहारित्ता, भवइ आसायणा सेहस्स।१९. सेहेरायणियस्स वाहरमाणस्स, अपडिसुणित्ता, भवइ आसायणा सेहस्स। २०. सेहे रायणियस्स वाहरमाणस्स तत्थगए चेव पडिसुणित्ता, भवइ आसायणा सेहस्स। २१. सेहे रायणियं 'किं' त्ति वत्ता, भवइ आसायणा सेहस्स। २२. सेहे रायणियं'तुम'त्ति वत्ता, भवइ आसायणा सेहस्स।२३. सेहे रायणियं खद्धं-खद्धं वत्ता, भवइ आसायणा सेहस्स।२४. सेहे रायणियं तज्जाएणं-तजाएणं पडिहणित्ता,
