________________
२९० ]
रुग्ण भिक्षुओं को गण से निकालने का निषेध
६. परिहारकप्पट्ठियं भिक्खुं गिलायमाणं नो कप्पड़ तस्स गणावच्छेइयस्स निज्जूहित्तए, अगिला तस्स करणिज्जं वेयावडियं जाव तओ रोगायंकाओ विप्पमुक्को, तओ पच्छा तस्स अहालहुए नामं ववहारे पट्ठवियव्वे सिया ।
[ व्यवहारसूत्र
७. अणवट्टप्पं भिक्खुं गिलायमाणं नो कप्पइ तस्स गणावच्छेइयस्स निज्जूहित्तए, अगिलाए तस्स करणिज्जं वेयावडियं जाव तओ रोगयंकाओ विप्पमुक्को, तओ पच्छा तस्स अहालहुए नामं ववहारे पट्टवियव्वे सिया ।
८. पारंचियं भिक्खुं गिलायमाणं नो कप्पइ तस्स गणावच्छेइयस्स निज्जूहित्तए, अगिलाए तस्स करणिज्जं वेयावडियं जाव तओ रोगायंकाओ विप्पमुक्को, तओ पच्छा तस्स अहालहुसए नामं ववहारे पट्ठवियव्वे सिया ।
९. खित्तचित्तं भिक्खुं गिलायमाणं नो कप्पड़ तस्स गणावच्छेइयस्स निज्जूहित्तए, अगिलाए तस्स करणिज्जं वेयावडियं जाव तओ रोगायंकाओ विप्पमुक्को, तओ पच्छा तस्स अहालहुए नामं ववहारे पट्ठवियव्वे सिया ।
१०. दित्तचित्तं भिक्खुं गिलायमाणं नो कप्पइ तस्स गणावच्छेइयस्स निज्जूहित्तए, अगिलाए तस्स करणिज्जं वेयावडियं जाव तओ रोगायंकाओ विप्पमुक्को, तओ पच्छा तस्स अहालहुए नामं ववहारे पट्ठवियव्वे सिया ।
११. जक्खाइट्ठं भिक्खुं गिलायमाणं नो कप्पड़ तस्स गणावच्छेइयस्स निज्जूहित्तए, अगिलाए तस्स करणिज्जं वेयावडियं जाव तओ रोगायंकाओ विप्पमुक्को, तओ पच्छा तस्स अहालहुए नामं ववहारे पट्ठवियव्वे सिया ।
१२. उम्मायपत्तं भिक्खुं गिलायमाणं नो कप्पड़ तस्स गणावच्छेइयस्स निज्जूहित्तए, अगिलाए तस्स करणिज्जं वेयावडियं जाव तओ रोगायंकाओ विप्पमुक्को, तओ पच्छा तस्स अहालहुए नामं ववहारे पट्ठवियव्वे सिया ।
१३. उवसग्गपत्तं भिक्खुं गिलायमाणं नो कप्पड़ तस्स गणावच्छेइयस्स निज्जूहित्तए, अगिला तस्स करणिज्जं वेयावडियं जाव तओ रोगायंकाओ विप्पमुक्को, तओ पच्छा तस्स अहालहुए नामं ववहारे पट्टवियव्वे सिया ।
१४. साहिगरणं भिक्खुं गिलायमाणं नो कप्पइ तस्स गणावच्छेइयस्स निज्जूहित्तए, अगिलाए तस्स करणिज्जं वेयावडियं जाव तओ रोगायंकाओ विप्पमुक्को, तओ पच्छा तस्स अहालहुए नामं ववहारे पट्ठवियव्वे सिया ।
