________________
११६]
[दशाश्रुतस्कन्ध ८. सव्वधम्मरुई यावि भवति।तस्सणंबहूई सील-व्वय-गुण-वेरमण-पच्चक्खाण-पोसहोववासाइं नो सम्मं पट्टविताइं भवंति।
एवं दंसणसावगोति पढमा उवासगपडिमा। -दसा. द. ६, सू. १-८ नवसुत्ताणि
९. अहावरा पंचमा उवासगपडिमा-सव्वधम्मरुई याविभवति। तस्स णं बहुइं सील-व्वयगुण-वेरमण-पच्चक्खाण-पोसहोववासाइं सम्मं पट्टविताइं भवंति।
से णं सामाइयं देवावगासियं सम्मं अणुपालित्ता भवति। से णं चाउद्दसट्टमुट्ठिपुण्णमासिणीसु पडिपुण्णं पोसहोववासं सम्मं अणुपालित्ता भवति। से णं एगराइयं उवासगपडिमं सम्मं अणुपालेत्ता भवति। से णं असिणाणए वियडभोई मउलिकडे दियाबंभचारी रत्तिं परिमाणकडे। .
से णं एतारूवेणं विहारेणं विहरमाणे जहण्णेणं एगाहं वा दुयाहं वा तियाहं वा, उक्कोसेणं पंचमासे विहरेज्जा। पंचमा उवासगपडिमा।
१०.अहावरा छट्ठा उवासगपडिमा-सव्वधम्मरुई यावि भवति। तस्सणंबहूइंसील-व्वयगुण-वेरमण-पच्चक्खाण-पोसहोववासाइं सम्मं पट्ठविताइं भवति।
से णं सामाइयं देसावगासियं सम्मं अणुपालित्ता भवति। से णं चाउद्दसट्ठमुट्ठिपुण्णमासिणीसु पडिपुण्णं पोसहोववासं सम्मं अणुपालित्ता भवति। से णं एगराइयं उवासगपडिमं सम्मं अणुपालेत्ता भवति। से णं असिणाणाए वियडभोई मउलिकडे रातोवरातं बंभचारी। सचित्तहारे से अपरिण्णाते भवति।
से णं एतारूवेणं विहारेणं विहरमाणे जहण्णेणं एगाहं वा दुयाहं वा तिहाहं वा, उक्कोसेणं छम्मासे विहरेज्जा छट्ठा उवासगपडिमा।
-दसा. द. ६, सू. १२-१३ तेणं कालेणं तेणं समएणं समणं भगवं महावीरे पंच हत्थुत्तरे होत्था, तं जहा१. हत्थुत्तराहिं चुए, चइत्ता गब्भं वक्कंते। २. इत्युत्तराहिं गब्भातो गब्भं साहरिते। ३. हत्थुत्तराहिं जाते। ४. हत्थुत्तराहिं मुंडे भवित्ता आगारातो अणगारितं पव्वइए।
५. हत्थुत्तराहिं अणंते अणुत्तरे निव्वाघाए निरावरणे कसिणे पडिपुण्णे केवलवरनाणदंसणे समुप्पन्ने। सातिणा परिनिव्वुए भयवं जाव भुज्जो-भुज्जो उवदंसेइ। -त्ति बेमि॥
-दसा. द.८, सू. १ तेणं कालेणं तेणं समएणं समणे भगवं महावीरे रायगिहे नगरे गुणसिलए चेइए बहूणं समणाणं बहूणं समणीणं बहूणं सावगाणं बहूणं सावियाणं बहूणं देवाणं बहूणं देवीणं सदेवमणुयासुराए परिसाए मझगते एवं आइक्खइ एवं भासति एवं पण्णवेइ एवं परूवेइ आयातिट्ठाणे णामं अज्जो! अज्झयणे, सअळं सहेउयं सकारणं सुत्तं च अत्थं च तदुभयं च भुज्जो-भुज्जो उवदंसेति।
-त्ति बेमि॥ -दसा. द. १० सू. ३५ इनके अतिरिक्त अनेक संक्षिप्त, विस्तृत, संशोधित एवं परिवर्धित पाठों की सूची नहीं दी है। आशा है सुज्ञ पाठक स्वयं समझ लेंगे।
00
