________________
११४]
[दशाश्रुतस्कन्ध सव्वाओ कय-विक्कय-मासद्धमास-रूवगसंववहाराओ अपडिविरए जावज्जीवाए, हिरण्ण-सुवण्ण-धण-धन्न-मणि-मोत्तिय-संख-सिलप्पवालाओ अपडिविरए जावज्जीवाए।
सव्वाओ कूडतूल-कूडमाणाओ अपडिविरए जावज्जीवाए। सव्वाओ आरम्भ-समारंभाओ अपडिविरए जावज्जीवाए। सव्वाओ करण-कारावणाओ अपडिविरए जावज्जीवाए। सव्वाओ पयण-पयावणाओ अपडिविरए जावज्जीवाए।
सव्वाओ कुट्टण-पिट्टण-तज्जण-तालण-वह बंध-परिकिलेसाओ अपडिविरए जावज्जीवाए।
जे यावण्णे तहप्पगारा सावजा अबोधिआ कम्मंता परपाणपरिता वणकडा कज्जंति (ततो वि अणं अपडिविरए जावज्जीवाए।
से जहानामए केइ पुरिसे कल-मसूर-तिल-मुग्ग-मास-निष्फाव-कुलत्थ-आलिसंदगसईणा-पलिमंथ एमादिएहिं अयते कूरे मिच्छादंडं पउंजइ।
एवामेव तहप्पगारे पुरिसज्जाते तित्तिर-वट्टा-लावय-कपोत-कपिंजल-मिय-महिस-वराहगाह-गोध-कुम्म-सिरीसवादिएहिं अयते कूरे मिच्छादंडं पउंजइ।
जाविय से बाहिरिया परिसा भवति, तं जहा-दासेति वा, पेसेति वा भतएति वा भाइल्लेति वा कम्मारएति वा भोगपुरिसेति वा।
तेसिंपियणं अण्णयरगंसि अहालघुयंसि अवराधंसि सयमेव गरुयं दंडं वत्तेति, तं जहाइमं दंडेह, इमं मुंडेह, इमंवझेह, इमंतालेह, इमं अदुबंधणं करेह, इमं नियलबंधणं करेह, इमं हडिबंधणं करेह, इमं चारगबंधणं करेह, इमं नियलजुयलसंकोडियमोडितं करेह, इमं हत्थच्छिन्नं करेह, इमं पायच्छिन्नं करेह, इमं कनच्छिन्नं करेह, इमं नक्कच्छिन्नं करेह, इंम ओट्ठच्छिन्नं करेह, इमं सीसच्छिन्नं करेह, इमं मुखच्छिन्नं करेह, इमं मज्झच्छिन्नं करेह, इमं वेयच्छिन्नं करेह, इमं हियउप्पाडियं करेह, एवं नयण-दसण-वसण-जिब्भुप्पाडियं करेह।
इमं ओलंबितं करेह, इमं उल्लबितं करेह, इमं घंसिययं करेह, इमं घोलितयं करेह, इमं सूलाइतयं करेह, इमं सूलाभिन्नं करेह, इमं खारवत्तियं करेह, इमं दब्भवत्तियं करेह, इमं सीहपुच्छितयं करेह, इमं वसभपुच्छितयं करेह, इमं कडग्गिदड्ढयं करेह, इमं काकिणिमंसखाविततं करेह, इमं भत्तपाणनिरुद्धयं करेह, इमं जावज्जीवबंधणं करेह, इमं अण्णतरेणं असुभेणं कु-मारेणं मारेह।
जावि य से अब्भिंतरिया परिसा भवति, तं जहा-माताति वा, पिताति वा, भायाति वा भगिणिति वा भज्जाति वा, धूयाति वा, सुण्हाति वा, तेसिं पि य णं अण्णयरंसि अहालहुसगंसि अवराहसि सयमेव गरुयं डंडं वत्तेति, तं जहा-सीतोदगंसि कायं ओबोलित्ता भवति।
उसिणोदगवियडेण कायं ओसिंचित्ता भवति, अगणिकाएणं कायं ओडहित्ता भवति, जोत्तेण वा, वेत्तेण वा, नेत्तेण वा, कसेण वा, छिवाए वा, लताए वा, पासाइं उद्दालित्ता भवति, डंडेण वा, अट्ठीण वा, मुट्ठीण वा, लेलूण वा, कवालेण वा, कायं ओओडेता भवति।
तहप्पगारे पुरिसज्जाते संवसमाणे दुमणा भवति।
