________________
[ दशाश्रुतस्कन्ध
जइ इमस्स सुचरियतवनियमबंभचेरवासस्स कल्लाणे फलवित्तिविसेसे अत्थि, अहम आगमेस्साए, जे इमे भवंति उग्गपुत्ता महामाडया, भोगपुत्ता महामाउया तेसिं णं अन्नयरंसि कुलंसि पुमत्ताए पच्चायामि, तत्थ णं समणोवासए भविस्सामि
अभिगयजीवाजीवे जाव' अहापरिग्गहिएणं तवोकम्मेणं अप्पाणं भावेमाणे विहरिस्सामि
१०४]
सेतं साहु ।
एवं खलु समणाउसो ! निग्गंथो वा निग्गंथी वा णिदाणं किच्चा जाव' देवे भवइ महिड्डिए जाव' दिव्वाइं भोगाई भुंजमाणे विहरह जाव' से णं ताओ देवलोगाओ आउक्खणं जाव' पुमत्ताए पच्चायाति जाव' तस्स णं एगमवि आणवेमाणस्स जाव चत्तारि - पंच अवुत्ता चेव अभुट्ठेति 'भण देवाणुप्पिया! किं करेमो जाव' किं ते आसगस्स सयइ ?'
प० - तस्स णं तहप्पगारस्स पुरिसजायस्स तहारूवे समणे वा माहणे वा उभओ कालं केवलिपण्णत्तं धम्ममाइक्खेज्जा ?
उ० - हंता ! आइक्खेज्जा ।
प० - सेणं पडिसुणेज्जा ? उ०- हंता ! पडिसुणेज्जा ।
- से णं सद्दहेज्जा, पत्तिएज्जा, रोएज्जा ?
प०
-oh
उ०- हंता ! सद्दहेज्जा, पत्तिएज्जा, रोएज्जा ।
प०
- से णं सीलव्वय जाव' पोसहोववासाइं पडिवज्जेज्जा ? उ०- हंता ! पडिवज्जेज्जा ।
प० - से णं मुंडे भवित्ता आगाराओ अणगारियं पव्वज्जा ?
उ०- णो तिणट्ठे समट्ठे ।
सेणं समणोवास भवति अभिगयजीवाजीवे जाव' पडिलाभेमाणे विहरइ ।
सेणं यारूवेणं विहारेणं विहरमाणे बहूणि वासाणि समणोवासगपरियागं पाउणइ पाउणित्ता आबाहंसि उप्पन्नंसि वा अणुप्पन्नंसि वा भत्तं पच्चक्खाएइ, भत्तं पच्चक्खाइत्ता बहूई भत्ता असणाई छेदेइ, बहूई भत्ताइं अणसणाई छेदित्ता आलोइयपडिक्कंते समाहिपत्ते कालमासे कालं किच्चा अण्णयरेसु देवलोएसु देवत्ताए उववत्तारो भवति ।
एवं खलु समणाउसो! तस्स नियाणस्स इमेयारूवे पावफलविवागे – जं नो संचाएति सव्वाओ सव्वत्ताए मुंडे भवित्ता आगाराओ अणगारियं पव्वइत्तए ।
१. भगवती श. २, उ. ५, सू. ११
२ - ८. सातवें निदान में देखें।
९. भगवती श. २, उ. ५, सू. ११
