________________
[९९
दसवीं दशा] ६. निर्ग्रन्थ निर्ग्रन्थी के द्वारा स्वदेवी-परिचारणा का निदान करना
एवं खलु समणाउसो! मए धम्मे पण्णत्ते जाव' से य परक्कममाणे माणुस्सएसु कामभोगेसु निव्वेयं गच्छेज्जा,
'माणुस्सगा खलु कामभोगा अधुवा जाव' विप्पजहणिज्जा।
संति उड्ढे देवा देवलोयंसि ते णं तत्थ णो अण्णेसिं देवाणं देवीओ अभिजुंजियअभिजुंजिय परियारेंति, अप्पणो चेव अप्पाणं विउव्वित्ता परियारेंति, अप्पणिज्जियाओ देवीओ अभिजुंजिय-अभिजुंजिय परियारेति।'
_ 'जइ इमस्स सुचरियतवनियमबंभचेरवासस्स कल्लाणे फलवित्तिविसेसे अस्थि, अहमवि आगमेस्साए इमाइं एयारूवाइं दिव्वाइं भोगाइं भुंजमाणे विहरामि-से तं साहु।'
एवं खलु समणाउसो! णिग्गंथो वा णिग्गंथी वा णियाणं किच्चा जाव देवे भवइ, महिड्डिए जाव दिव्वाइं भोगाइं भुंजमाणे विहरइ।
से णं तत्थ णो अण्णेसिं देवाणं देवीओ अभिजुंजिय-अभिजुंजिय परियारेइ, अप्पणो चेव अप्पाणं विउव्विय-विउव्विय परियारेइ, अप्पणिजियाओ देवीओ अभिमुंजिय-अभिजुंजिय परियारेइ।
सेणंताओ देवलोगाओ आउक्खएणंजाव' पुमत्ताए पच्चायाति जाव तस्सणं एगमवि आणवेमाणस्स जाव चत्तारि पंच अवुत्ता चेव अभुजेंति भण देवाणुप्पिया! किं करेमो ? जाव' किं ते आसगस्स सयइ?'
प०-तस्स णं तहप्पगारस्स पुरिसजायस्स तहारूवे समणे वा माहणे वा उभओ कालं केवलिपण्णत्तं धम्ममाइक्खेज्जा?
उ०-हंता ! आइक्खेजा। प०-से णं पडिसुणेज्जा? उ०-हंता! पडिसुणेज्जा। प०-से णं सद्दहेज्जा पत्तिएज्जा रोएज्जा? उ०-णो तिणठे समठे, अण्णत्थरुई यावि भवति। अण्णरुइमायाए से भवति
जे इमे आरणिया, आवसहिया, गामंतिया, कण्हूइरहस्सिया। णो बहु-संजया, णो बहुपडिविरया सव्व-पाण-भूय-जीव-सत्तेसु, अप्पणो सच्चामोसाइं एवं विपडिवदंति
अहं णं हंतव्वो, अण्णे हंतव्वा, अहं णं अज्जावेयव्वो, अण्णे अज्जावेयव्वा,
अहं णं परियावेयव्वो, अण्णे परियावेयव्वा, १-७. प्रथम निदान में देखें।