________________
दसवीं दशा ]
[ ८९
तेसिं णं अण्णयरस्स अतिजायमाणस्स वा निज्जायमाणस्स वा पुरओ महं दासी- दासकिंकर -कम्मकर- पुरिसा छत्तं भिंगारं गहाय निग्गच्छंति ।
तयाणंतरं च णं पुरओ महाआसा आसवरा, उभओ तेसिं नागा नागवरा, पिट्ठओ रहा रहसंगेल्लिपुरिस पदातिं परिक्खित्तं ।
से य उद्धरिय-से-छत्ते, अब्भुगये भिंगारे, पग्गहिय तालियंटे, पवीयमाण- सेय-चामरबालवणी ।
अभिक्खणं- अभिक्खणं अतिजाइ य निज्जाइ य सप्पभा ।
सपुव्वावरं च णं ण्हाए जाव' सव्वालंकारविभूसिए, महति महालियाए कूडागारसालाए, महति महालयंसि सयणिज्जंसि दुहओ उण्णते मज्झे णतगंभीरे वण्णओ सव्वरातिणिएणं जोइणा झियायमाणेणं, इत्थगुम्मपरिवुडे महयाहत-नट्ट-गीय - वाइय- तंती - तल-ताल-तु - तुडिय - -घण- -मुइंगमुद्दल-पडुप्पवाइयरवेणं उरालाई माणुस्सगाई कामभोगाई भुंजमाणे विहरति ।
तस्स णं एगमवि आणवेमाणस्स जाव चत्तारि पंच अवुत्ता चेव अब्भुट्ठेति'भण देवाणुप्पिया! किं करेमो ? किं उवणेमो ? किं आहरेमो ? किं आचिट्ठामो ? किं भे हियइच्छियं ? किं ते आसगस्स सदति ?'
जं पासित्ता णिग्गंथे णिदाणं करेइ
रहवरा,
-
'जइ इमस्स सुचरियतवनियमबंभचेरवासस्स कल्लाणे फलवित्तिविसेसे अत्थि, तं अहमवि आगमिस्साए इमाई एयारूवाई उरालाई माणुस्सगाई कामभोगाई भुंजमाणे विहरामि - सेतं साहू ।'
एवं खलु समणाउसो ! निग्गंथे णिदाणं किच्चा तस्स ठाणस्स अंणालोइय- अप्पडिक्कं कालमासे कालं किच्चा अण्णयरेसु देवलोएसु देवत्ताए उववत्तारो भवति महड्डिएसु महज्जुइएसु महब्बलेसु महायसेसु महासुक्खेसु महाणुभागेसु दूरगईसु चिरट्ठितिएसु ।
सेणं तत्थ देवे भवइ महड्डिए जाव' दिव्वाइं भोगाई भुंजमाणे विहरड़ जाव से णं तओ देवलोगाओ आउक्खएणं, भवक्खएणं, ठिइक्खएणं, अणंतरं चयं चइत्ता से जे इमे भवंति उग्गपुत्ता महामाया भोगपुत्ता महामाउया, तेसिं णं अन्नयरंसि कुलंसि पुत्तत्ताए पच्चायाति ।
से णं तत्थ दारए भवइ, सुकुमालपाणिपाए, अहीणपडिपुण्णपंचिंदियसरीरे, लक्खणवंजण - गुणोववेए, ससिसोमागारे, कंते, पियदंसणे, सुरूवे ।
तए णं से दारए उम्मुक्कबालभावे, विण्णाणपरिणयमित्ते, जोव्वणगमणुप्पत्ते सयमेव पेइयं दायं पडिवज्जति ।
१. ज्ञाता. अ. १, सु. ४७, पृ. २० ( अंगसुत्ताणि)
२. ठाणं. अ. ८, सु. १०
३. ठाणं. अ. ८, सु. १०
