________________
साहतां उददेशक
कौतुहलजनित प्रवृत्तियों का प्रायश्चित्त
१. जे भिक्खू कोउहल्ल-वडियाए अण्णयरं तसपाणजायं
१. तण-पासएण वा, २. मंजु-पासएण वा, ३. कट्ट-पासएण वा, ४. चम्म-पासएण वा, ५. वेत्तपासएण वा, ६. रज्जु-पासएण वा, ७. सुत्त-पासएण वा बंधइ, बंधतं वा साइज्जइ ।
२. जे भिक्ख कोउहल्ल-वडियाए अण्णयरं तसपाणजायं तण-पासएण वा जाव सुत्त-पासएण वा बद्धेलयं मुचइ, मुंचतं वा साइज्जइ ।
३. जे भिक्खू कोउहल्ल वडियाए--
१. तणमालियं वा, २. मुजमालियं वा, ३. वेत्तमालियं वा, ४. कटुमालियं वा, ५. मयणमालियं वा, ६. भिडमालियं वा, ७. पिच्छमालियं वा, ८. हडमालियं वा, ९. दंतमालियं वा, १०. संखमालियं वा, ११. सिंगमालियं वा, १२. पत्तमालियं वा, १३. पुप्फमालियं वा, १४. फलमालियं वा, १५. बीयमालियं वा, १६. हरियमालियं वा करेइ, करेंतं वा साइज्जइ ।
४. जे भिक्खू कोउहल्ल-वडियाए तणमालियं वा जाव हरियमालियं वा धरेइ, धरतं वा साइज्जइ।
५. जे भिक्खू कोउहल्ल-वडियाए तण-मालियं वा जाव हरियमालियं वा पिणद्धेइ, पिणद्धेतं वा साइज्जइ।
६. जे भिक्खू कोउहल्ल-वडियाए- '
१. अयलोहाणि वा, २. तंबलोहाणि वा, ३. तउयलोहाणि वा, ४. सीसलोहाणि वा, ५. रूप्पलोहाणि वा, ६. सुवण्णलोहाणि वा करेइ, करेंतं वा साइज्जइ।
७. जे भिक्खू कोउहल्ल-वडियाए अय-लोहाणि वा जाव सुवण्णलोहाणि वा धरेइ, धरतं वा साइज्जइ।
८. जे भिक्खू कोउहल्ल-वडियाए अय-लोहाणि वा जाव सुवण्णलोहाणि वा पिणद्धेइ, पिणद्धेतं वा साइज्जइ ।
९. जे भिक्खू कोउहल्ल-वडियाए-१. हाराणि वा, २. अद्धहाराणि वा, ३. एगावलि वा, ४. मुत्तालि वा, ५. कणगावलि वा, ६. रयणावलि वा, ७. कडगाणि वा, ८. तुडियाणि वा, ९.
Jain Education International
For Private & Personal Use Only
www.jainelibrary.org
