________________
सप्तम वक्षस्कार]
[३९१
उत्तरासाढा चउद्द अहोरत्तेणेइ, अभिई सत्त अहोरत्ते णेइ, सवणोअट्ठऽहोरत्तेणेइ, धणिट्ठा एग अहोरत्तं णेइ। तंसि च णं मासंसि चउरंगुलपोरसीए छायाए सूरिए अणुपरिअट्टइ।
तस्स मासस्स चरिमदिवसे दो पदा चत्तारि अ अंगुला पोरिसी भवइ। वासाणं भंते ! दोच्चं मासं कइ णक्खत्ता णेति ? गोयमा ! चत्तारि-धणिट्ठा, सयभिसया, पुव्वभद्दवया, उत्तराभद्दवया।
धणिट्टा णं चउद्दस अहोरत्ते णेइ, सयभिसया सत्त अहोरत्ते णेइ, पुव्वभद्दवया अट्ठ अहोरत्ते णेइ, उत्तराभद्दवया एगें।
तंसि च णं मासंसि अटुंगुलपोरिसीए छायाए सूरिए अणुपरियट्टइ। तस्स मासस्स चरिमे दिवसे दो पया अट्ठ य अंगुला पोरिसी भवइ।
वासाणं भंते ! तइअं मासं कइ णक्खत्ता णेति ? गोयमा ! तिण्णि णक्खत्ता णेति तं जहा-उत्तरभद्दवया, रेवई, अस्सिणी। उत्तरभद्दवया चउद्दस राइदिए णेइ, रेवई पण्णरस, अस्सिणी एगं। तंसि च णं मासंसि दुवालसंगुलपोरिसीओ छायाए सूरिए अणुपरिअट्टइ। तस्स णं मासस्स चरिमे दिवसे लेहट्ठाई तिण्णि पयाई पोरिसी भवइ। वासाणं भंते ! चउत्थं मासं कति णक्खत्ता वंति। गोयमा ! तिण्णि-अस्सिणी, भरणी, कत्तिआ। अस्सिणी चउद्दस, भरणी पन्नरस, कत्तिआ एगं। तंसि च णं मासंति सोलसंगुलपोरिसीए छायाए सूरिए अणुपरिअट्टइ। तस्स णं मासस्स चरमे दिवसे तिण्णि पयाइं चत्तारि अंगुलाई पोरिसी भवइ। हेमन्ताणं भंते ! पढमं मासं कति णक्खत्ता णेति ? गोयमा ! तिण्णि-कत्तिआ, रोहिणी, मिगसिरं। कत्तिआ चउद्दस, रोहिणी पण्णरस, मिगसिरं एग अहोरत्तं णेइ। तंसि च णं मासंसि वीसंगुलपोरिसीए छायाए सूरिए अणुपरिअट्टइ।
तस्स णं मासस्स जे से चरिमे दिवसे तंसि च णं दिवसंसि तिण्णि पयाइं अट्ठ य अंगुलाई पोरिसी भवइ।
हेमन्ताणं भंते ! दोच्चं मासं कति णक्खत्ता ऐति ? ___ गोयमा ! चत्तारि णक्खत्ता णेति, तं जहा–मिअसिरं, अद्दा, पुणव्वसू, पुस्सो। मिअसिरं चउद्दस राइंदिआई णेइ, अद्दा अट्ठ णेइ, पुणव्वसू सत्त राइंदिआई, पुस्सो एगं राइंदिअंणेइ।
तया णं चउव्वीसंगुलपोरिसीए छायाए सूरिए अणुपरिअट्टइ।
तस्स णं मासस्स जे से चरिमे दिवसे तंसि च णं दिवसंसि लेहवाइं चत्तारि पयाइं पोरिसी भवइ।
हेमन्ताणं भंते ! तच्चं मासं कति णक्खत्ता वंति।
