________________
१९८ ]
दो पद्मवरवेदिकाओं तथा दो वनखण्डों से संपरिवृत है ।
चुल्ल हिमवान् वर्षधर पर्वत के कूट
[जम्बूद्वीपप्रज्ञप्तिसूत्र
९२. चुल्लहिमवन्ते णं भंते ! वासहरपव्वए कइ कूडा पण्णत्ता ?
गोयमा ! इक्कारस कूडा पण्णत्ता, तं जहा - १. सिद्धाययणकूडे, २. चुल्लहिमवन्तकूड़े, ३. भरहकूडे, ४. इलादेवीकूडे, ५. गंगादेवीकूडे, ६. सिरिकूडे, ७. रोहिअंसकूडे, ८. सिन्धुदेवीकूडे, . सुरदेवीकूडे, १०. हेमवयकूडे, ११. वेसमणकूडे ।
९.
कहि णं भंते ! चुल्लहिमवन्ते वासहरपव्वए सिद्धाययणकूडे णामं कूडे पण्णत्ते ?
गोयमा ! पुरत्थिमलवणसमुद्दस्स पच्चत्थिमेणं चुल्लहिमवन्तकूडस्स पुरत्थिमेणं एत्थ णं सिद्धाययणकूडे णामं कूडे पण्णत्ते, पंच जोअणसयाइं उद्धं उच्चत्तेणं, मूले पंच जोअणसयाई विक्खंभेणं, मज्झे तिणि अ पण्णत्तरे जोअणसए विक्खंभेणं, उप्पिं अद्वाइज्जे जो अ विक्खंभेणं । मूले एगं जोअणसहस्सं पंच य एगासीए जोअणसए किंचि विसेसाहिए परिक्खेवेणं, मज्झे एगं जोअणसहस्सं एगं च छलसीअं जोअणसयं किंचि विसेसूणं परिक्खेवेणं, उप्पिं सत्त इक्काणउए जोअणसए किंचि विसेसूणे परिक्खेवेणं । मूले विच्छिण्णे, मज्झे संखित्ते, उप्पिं तणुए, गोपुच्छ-संठाण - संठिए, सव्वरयणामए, अच्छे । से णं एगाए पउमवरवेइआए एगेण य वणसंडेणं सव्वओ समंता संपरिक्खित्ते ।
सिद्धाययणस्स कूडस्स णं उप्पिं बहुसमरमणिज्जे भूमिभागे पण्णत्ते जाव ' तस्स णं बहुसमरमणिज्जस्स भूमिभागस्स बहुमज्झदेसभाए एत्थ णं महं एगे सिद्धाययणे पण्णत्ते, पण्णासं जोअणाई आयामेणं, पणवीसं जोअणाई विक्खंभेणं, छत्तीसं जोअणाइं उद्धं उच्चत्तेणं जाव जिणपडिमावण्णओ भाणिअव्वो ।
कहि णं भंते ! चुल्लहिमवन्ते वासहरपव्वए चुल्लहिमवन्तकूडे णामं कूडे पण्णत्ते ?
गोयमा ! भरहकूडस्स पुरत्थिमेणं सिद्धाययणकूडस्स पच्चत्थिमेणं, एत्थ णं चुल्लहिमवन्ते वासहरपव्वए चुल्लहिमवन्तकूडे णामं कूडे पण्णत्ते । एवं जो चेव सिद्धाययणकूडस्स उच्चत्तविक्खंभ- परिक्खेवो जाव
बहुसमरमणिज्जस्सभूमिभागस्स बहुमज्झदेसभाए एत्थ णं महं एगे पासायवडेंसए पण्णत्ते, वासट्ठि जोअणाइं अद्धजोअणं च उच्चत्तेणं, इक्कतीसं जोअणाई कोसं च विक्खंभेणं, अब्भुग्गयमूसिअपहसिए विव, विविहमणिरयणभत्तिचित्ते, वाउद्धअविजयवेजयंतीपडागच्छत्ताइछत्तकलिए, तुंगे गगणतलमभिलंघमाणसिहरे, जालंतररयणपंजरुम्मीलिएव्व, मणिरयणथूभिआए, विअसिअसयवत्तपुंडरी अतिलयरयणद्धचंदचित्ते, णाणामणिमयदामालं किए, अंतो हिं
१. देखें सूत्र संख्या ६
