Page Text
________________
तृतीय वक्षस्कार ]
[९९
लासिय- लउसिय-दामिली सिंहलि तह आरबी पुलिंदी य । पक्कणि बहलि मुरुंडी सबरीओ पारसीओ य ॥ २ ॥ अप्पेगइया चंदणकलसहत्थगआओ, भिंगारआदंसथालपातिसुपइट्ठगवायकरगरयणकरंडपुप्फचंगेरीमल्लवण्णचुण्णगंधहत्थगआओ, वत्थआभरणलोमहत्थयचंगेरीपुप्फपडलहत्थगआओ जाव लोमहत्थगआओ, अप्पेगइआओ, सीहासणहत्थगआओ, छत्तचामरहत्थगआओ, तिल्लसमुग्ग- यहत्थगआओ,
( गाहा ) तेल्ले - कोट्टसमुग्गे, पत्ते चोए अ तगरमेला य । हरिआले हिंगुलए, मणोसिला सासवसमुग्गे ॥ १ ॥ अप्पेगइआओ तालिअंटहत्थगयाओ, अप्पेगइयाओ धूवकडुच्छुअहत्थगयाओ भरहं रायाणं पिटुओ पिट्टओ अणुगच्छंति ।
तए णं से भरहे राया सव्विड्ढीए, सव्वजुईए, सव्वबलेणं, सव्वसमुदयेणं, सव्वायरेणं, सव्वविभूसाए, सव्वविभूईए, सव्ववत्थपुप्फगंधमल्लालंकारविभूसाए, सव्वतुडिअसद्दसण्णिणाएणं, महया इड्डीए, (महया जुईए, महया बलेणं, महया समुदयेणं, महया आयरेणं, महया विभूसा, महया विभूईए महया वत्थ- पुप्फ-गंध-मल्लालंकारविभूसाए, महया तुडिअसद्दसण्णिणाएणं, ) महया वरतुडियजमगसमगपवाइएणं संखपणवपडहभेरिझल्लरिखरमुहिमुरयमुइंगदुंदुहिणिग्घोसणाइएण जेणेव आउहघरसाला, तेणेव उवागच्छइ, उवागच्छित्ता, आलोए चक्करयणस्स पणामं करेइ, करेत्ता, जेणेव चक्करयणे तेणेव उवागच्छइ, उवागच्छित्ता लोमहत्थयं परामुसइ, परामुसित्ता, चक्करयणं पमज्जइ, पमज्जित्ता दिव्वाएं उदगधाराए अब्भुक्खड़, अब्भुक्खित्ता सरसेणं गोसीसचंदणेणं अणुलिंपइ, अणुलिंपित्ता अग्गेहिं, वरेहिं, गंधेहिं, मल्लेहिं अ अच्चिणइ, पुप्फारुहणं, मल्ल-गंध-वण्ण-चुण्ण-वत्थारुहणं, आभरणारुहणं करेइ, करेत्ता अच्छेहिं, सण्हेहिं, सेएहिं, रययामएहिं, अच्छरसातंडुलेहिं चक्करयणस्स पुरओ अट्ठट्ठमंगलए आलिहइ, तंजा - सोत्थिय १. सिरिवच्छ २. मंदिआवत्त ३. वद्धमाणग ४. भद्दासण ५. मच्छ ६. कलस ७. दप्पण ८. अट्ठमंगलए आलिहित्त काऊणं करेइ उवयारंति, किं ते- पाडलमल्लिअचंपगअसोगपुण्णागचूअमंजरीणवमालिअबकुलतिलगकणवीरकुंदकोज्जयकोरंटयपत्तदमणयवरसुरहिसुगंधगंधिअस्स, कयग्गहगहिअ-करयलपब्भट्टविप्यमुक्कस्स, दसद्धवण्णस्स, कुसुमणिगरस्स तत्थ चित्तं जाणुस्सेहप्पमाणमित्तं ओहिनिगरं करेत्ता चंदप्पभवइरवेरुलिअविमलदंडं, कंचणमणिरयणभत्तिचित्तं, कालागुरुपवरकुंदुरुक्कतुरुक्कधूवगंधुत्तमाणुविद्धं च धूमवट्टिं विणिम्मुअंतं, वेरुलिअमयं कडच्छुअं पग्गहेत्तु पयते, धूवं दहइ, दहेत्ता सत्तट्ठपयाई पच्चोसक्कड़, पच्चोसक्केत्ता वामं जाणुं अंचेइ, (दाहिणं जाणुं धरणिअलंसि निहट्टु करयलपरिग्गहिअं दसणहं सिरसावत्तं मत्थए अंजलिं कट्टु ) पणामं करेइ, करेत्ता आउहघरसालाओ पडिणिक्खमइ, पडिणिक्खमेत्ता जेणेव बाहिरिया उवट्ठाणसाला, जेणेव सीहासणे, तेणेव उवागच्छड़, उवागच्छित्ता सीहासणवरगए पुरत्थाभिमु सण्णिसीयइ, सण्णिसित्ता अट्ठारस सेणिप्पसेणीओ सद्दावेइ, सद्दावेत्ता एवं वयासी - खिप्पामेव
| SR No. | 003460 |
| Book Title | Agam 18 Upang 07 Jambudveep Pragnapti Sutra Stahanakvasi |
| Original Sutra Author | N/A |
| Author | Madhukarmuni, Chhaganlal Shastri, Shobhachad Bharilla |
| Publisher | Agam Prakashan Samiti |
| Publication Year | 1986 |
| Total Pages | 482 |
| Language | Hindi |
| Classification | Book_Devnagari, Agam, Canon, Geography, & agam_jambudwipapragnapti |
| File Size | 10 MB |