________________
द्वितीय प्राभृत
___ [तृतीय प्राभृतप्राभृत] सूरस्स मुहुत्त-गइ-पमाणं
२३. ता केवइयं ते खेत्तं सूरिए एगमेगेणं मुहुत्तेणं गच्छइ ? आहिए त्ति वएजा। तत्थ खलु इमाओ चत्तारि पडिवत्तीओ पण्णत्ताओ, तं जहा - तत्थेगे एवमाहंसु - (१) ता छ छ जोयणसहस्साई सूरिए एगमेगेणं मुहुत्तेणं गच्छइ, एगे एवमाहंसु - एगे पुण एवमाहंसु - (२) ता पंच पंच जोयणसहस्साई सूरिए एगमेगेणं मुहुत्तेणं गच्छइ, एगे एवमाहंसु - एगे पुण एवमाहंसु - (३) ता चत्तारि चत्तारि जोयणसहस्साइं सूरिए एगमेगेणं मुहुत्तेणं गच्छइ, एगे एवमाहंसु - एगे पुण एवमाहंसु - (४) ता छवि, पंच वि, चतारि वि जोयणसहस्साइं सूरिए एगमेगेणं मुहुतेणं गच्छइ, एग एवमाहेसु। तत्थ णं जे ते एवमाहंसु - (१) ता छ छ जोयणसहस्साई सूरिए एगमेगेणं मुहुत्तेणं गच्छइ, ते एवमाहंसु -
ता जया णं सूरिए सव्वब्भंतरं मंडलं उवसंकमित्ता चारं चरइ, तया णं उत्तमकट्ठपत्ते उक्कोसए अट्ठारसमुहुत्ते दिवसे भवइ, जहण्णिया दुवालसमुहुत्ता राई भवइ। तंसि च णं दिवसंसि एग जोयणसयसहस्सं अट्ठ य जोयणसहस्साई तावक्खेत्ते पण्णत्ते।
___ता जया णं सूरिए सव्वबाहिरं मंडलं उवसंकमित्ता चारं चरइ तया णं उत्तमकट्ठपत्ता उक्कोसिया अट्ठारसमुहुत्ता राई भवइ जहन्नए दुवालसमुहत्ते दिवसे भवइ।
तंसि च दिवसंसि बाबतरि जोयणसहस्साई तावक्खेते पण्णते, तया णं छ छ जोयणसहस्साइं सूरिए एगमेगेणं मुहुत्तेणं गच्छइ।
