________________
प्रथम प्राभृत - पंचम प्राभृतप्राभृत ]
क - ता जया णं सूरिए सव्वब्भंतरं मंडलं उवसंकमित्ता चारं चरइ, तया णं जंबुद्दीवं दीवं एग जोयणसहस्सं, एगं च तेत्तीसं जोयणसयं ओगाहित्ता सूरिए चारं चरइ, तया णं उत्तमकट्ठपत्ते उक्कोसए अट्ठारसमुहुत्ते दिवसे भवइ, जहणिया दुवालसमुहुत्ता राई
भवइ,
ख – ता जया णं सूरिए सव्वबाहिरं मंडलं उवसंकमित्ता चारं चरइ, तया णं लवणसमुदं एगं जोयणसहस्सं, एगं च तेत्तीसं जोयणसयं ओगाहित्ता चारं चरइ, तया णं उत्तमकट्ठपत्ता उक्कोसिया अट्ठारसमुहुत्ता राई भवइ, जहण्णए दुवालसमुहुत्ते दिवसे
भवइ,
२. एवं चउत्तीसेऽवि जोयणसयं, ३. पणतीसेऽवि एवं चेव भाणियव्वं, ४. तत्थ णं जे ते एवमाहंसु - ता अवड्ढं दीवं वा, समुदं वा, ओगाहित्ता सूरिए चर चरइ, ते एवमाहंसु - ता जया णं सूरिए सव्वब्भंतरं मंडलं उवसंकमित्ता चारं चरइ, तया णं अवड्ढं जंबुद्दीवं दीवं ओगाहित्ता सूरिए चारं चरइ, तया णं उत्तमकट्ठपत्ते उक्कोसए अट्ठारसमुहुत्ते दिवसे भवइ, जहणिया दुवालसमुहुत्ता राई
भवइ,
.
एवं सव्वबाहिरे मंडलेऽवि, णवरं – 'अवड्ढं लवणसमुई' तया णं – 'राइंदियं' तहेव, ५. तत्थ णं जे ते एवमाहंसु - ता नो किंचि दीवं वा समुह वा ओगाहित्ता चारं चरइ, ते एवमाहंसु - ता जया णं सूरिए सव्वब्भंतरं मंडलं उवसंकमित्ता चारं चरइ, तया णं नो किंचि दीवं वा, समुदं वा ओगाहित्ता सूरिए चारं चरइ, तया णं उत्तमकट्ठपत्ते उक्कोसए अट्ठारसमुहुत्ते दिवसे भवइ, जहणिया दुवालसमुहुत्ता राई भवइ,
एवं सव्वबाहिरे मंडले वि, णवरं - 'नो किंचि लवणसमुदं ओगाहित्ता सूरिए चारं चरइ, राइंदियं तहेव',' १. ऊपर अंकित सूत्र के समान है। २. ऊपर अंकित सूत्र के समान है।
