________________
[ सूर्यप्रज्ञप्तिसूत्र
बीस पाहुडाणं विसयपरूवणं ३. गाहाओ - १. कइ मंडलाइ वच्चइ, २. तिरिच्छा किं च गच्छइ॥
३. ओभासइ केवइयं, ४. सेयाइ किं ते संठिई॥१॥ ५. कहिं पडिहया लेसा, ६. कहिं ते ओयसंठिई॥ ७. के सूरियं वरयंति, ८. कहं ते उदयसंठिई ॥२॥ ९. कइ कट्ठा पोरिसिच्छाया, १०. जोके किं ते व आहिए॥ ११. किं ते संवच्छरेणाई, १२. कइ संवच्छाराइ य॥३॥ १३. कहं चंदमसो वुड्ढी, १४. कया ते दोसिणा बहू॥ १५. के सिग्घगई वुत्ते, १६. कहं दोसिण - लक्खणं॥४॥ १७. चयणोववाय, १८.उच्चत्ते, १९. सूरिया कह आहिया॥
२०. अणुभावे के व संवुत्ते, एवमेयाइ वीसई ॥५॥ पढमपाहुडगय अट्ठपाहुडपाहुडसुत्ताणं विसयपरूवणं ४. गाहाओ - १. वड्ढो वड्ढी मुहूत्ताण, २. मद्धमंडल-संठिई॥
३. के ते चिण्णं परियरइ, अंतरं किं चरंति य॥१॥ ५. ओगाहइ केवइयं, ६. केवइयं च विकंपइ॥
७. मंडलाण य संठाणे, ८. विक्खंभो-अट्ठ पाहुडा॥२॥ पढमपाहुडस्स पडिवत्तिसंखा ५. गाहा - ४. छ, ५. प्पंच य, ६. सत्तेव य, ७. अट्ठ, ८. तिन्नि य हवंति पडिवत्ती॥
पढमस्स पाहुडस्स, हवंति एयाउ पडिवत्ती॥१॥ बितियपाहुडस्स विसय-परूवणं ६. गाहाओ - पडिवत्ताओ उदए, तह अत्थमणेसु य॥
२. भेयग्याए कण्णकला, ३. मुहुत्ताणं गती ति य॥१॥ निक्खममाणे सिग्घगई, पविसंते मंदगई इय॥
चुलसीइ सयं पुरिसाणं, तेसिं च पडिवत्तीओ॥२॥ पडिवत्तिसंखा गाहा - १. उदयंमि अट्ठ भणिया, २. भेयग्याए दुवे य पडिवत्ती॥
३. चत्तारि मुहुत्तगईए, हुंति तइयंमि पडिवत्ती॥३॥
