________________
प्रथम प्राभृत
[प्रथम प्राभृतप्राभृत] वीरत्थुई
जयइ नव-नलिण-कुवलय, वियसिय-सयवत्त-पत्तल-दलच्छो॥
वीरो गइंद-मयंगल, सललिय-गयविक्कमो भयवं ॥१॥ पंच-पय-वंदणं जोइसगणराय-पण्णत्ति-परूवण-पइण्णा य
नमिऊण असुर-सुर-गरुल - भुयंग-परिवंदिए गयकिलेसे॥ अरिहे सिद्धायरिय-उवज्झाए सव्वसाहू य॥२॥ फुड-वियड-पागडत्थं, वुच्छं पुव्व-सुय-सार-णिस्संद॥ सुहुमं गणिणोवइटें,
जोइसगणराय-पण्णत्तिं ॥३॥ नामेण 'इंदभूइ' त्ति, गोयमो वंदिऊण तिविहेणं॥
पुच्छइ जिणवरवसहं, जोइसरायस्स पण्णत्तिं ॥४॥ १-२. तेणं कालेणं तेणं समएणं 'मिहिला' णामं णयरी होत्था, वण्णओ।
तीसे णं मिहिलाए णयरीए बहिया उत्तरपुरथिमे दिसिभाए, एत्थ णं 'माणिभद्दे' णाम चेइए होत्था, वण्णओ।
तीसे णं मिहिलाए 'जिएसत्तू' राया परिवसइ, वण्णओ। तस्स णं जियसत्तुस्स रण्णो 'धारिणी' णामं देवी होत्था, वण्णओ। तेणं कालेणं, तेणं समएणं तंमि भाणिभद्दे चेइए सामी समोसढे, वण्णओ। [क] परिसा णिग्गया, धम्मो कहिओ। [ख] परिसा पडिगया। [ग] राया जामेव दिसिं पाउन्भूए, तामेव दिसिं पडिगए।
तेणं कालेणं, तेणं समएणं समणस्स भगवओ महावीरस्स जेढे अंतेवासी 'इंदभूई' णामं अणगारे जाव पंजलिउडे पज्जुवासमाणे एवं वयासी -
