________________
१५२]
[ सूर्यप्रज्ञप्तिसूत्र
एवइया परित्ता असंखेजा देस-राग-विराग सया भवंतीतिमक्खाया, ता अमावासाओ णं पुण्णिमासिणी चत्तारि बायाले मुहुत्तसए छत्तालीसं बावट्ठिभागे मुहुत्तस्स आहिए त्ति वएज्जा, ता पुण्णिमासिणीओ णं अमावासा चत्तारि बायाले मुहुत्तसए छत्तालीसं बावट्ठिभागे मुहुत्तस्स आहिए त्ति वएज्जा, ता अमावासाओ णं अमावासा अट्ठपंचासीए मुहुत्तसए तीसं च बावट्ठिभागे मुहुत्तस्स आहिए त्ति वएज्जा, ता पुण्णिमासिणीओ णं पुण्णिमासिणी अटुं पंचासीए मुहुत्तसए तीसं बावट्ठिभागे मुहुत्तस्स आहिए त्ति वएजा, एस णं एवइए चंदे मासे,
एस णं एवइए सगले जुगे। चंदाइच्च अद्धमासे चंदाइच्चाणं मंडलचारं ८१. क. प. ता चंदेण अद्धमासेणं चंदे कइ मंडलाइं चरइ ? ___उ. ता चउद्दस चउब्भागमंडलाइं चरइ एगं च चउवीससयभागं मंडलस्स। ख. प. ता आइच्चेणं अद्धमासेणं चंदे कइ मंडलाई चरइ ? उ. ता सोलस मंडलाइं चरइ, सोलसमंडलचारी तया अवराई खलु दुवे अट्ठकाई जाइं चंदे
केणड असामण्णगाई सयमेव पविद्वित्ता पविद्वित्ता चारं चरड। ग. प. कयराइं खलु दुवे अट्ठगाई जाई चंदे केणइ असामण्णगाई सयमेव पविद्वित्ता पविट्ठित्ता चारं
चरइ ? उ. इमाई खलु ते दुवे अट्ठगाई जाइं चंदे केणइ असामएणगाई सयमेव पविट्ठित्ता पविट्ठित्ता
चारं चरइ तं जहा - १. निक्खममाणे चेव अमावासंते णं, २. पविसमाणे चेव पुण्णिमासिंतेणं, एयाइं खलु दुवे अट्ठगाइं जाइं चंदे केणई असामण्णगाइं सयमेव पविट्ठित्ता पविट्ठित्ता चारं
चरइ। पढमे चंदायणे
ता पढमा पढमायणगए चंदे दाहिणगए भागाए पविसमाणे सत्त अद्धमंडलाइं जाइं चंदे
