________________
१५० ]
[ सूर्यप्रज्ञप्तिसूत्र
३. क. प. ता एएसि णं पंचण्हं संवच्छराणं तच्चं हेमंति आउट्टि चंदे केणं णक्खत्तेणं जोएइ? उ. ता पूसे णं, पुसस्स एगूणवीसं मुहुत्ता तेतालीसं च बावट्ठिभागा मुहुत्तस्स, बावट्ठिभागं च
सत्तद्विधा छेत्ता तेत्तीसं च चुण्णिया भागा सेसा। ख. प. तं समयं च णं सूरे केणं णक्खत्तेणं जोएइ ? - उ. ता उत्तराहिं, आसाढाहिं उत्तराणं आसाढाणं चरिमसमए। ४. क. प. एएसि णं पंचण्हं संवच्छराणं चउत्थिं हेमंति आउट्टिं चंदे केणं णक्खत्ते जोएइ ?
उ. ता मूलेणं, मूलस्स छ मुहुत्ता, अट्ठावन्नं च बावट्ठिभागा मुहुत्तस्स, बावट्ठिभागं च सत्तट्ठिधा
छेत्ता वीसं चुण्णिया भागा सेसा। ख. प. तं समयं च णं सूरे केणं णक्खत्तेणं जोएइ ?
उ. ता उत्तराहिं आसाढाहिं उत्तराणं आसाढाणं चरिमसमए। ५. क. प. एएसि णं पंचण्हं संवच्छराणं पंचमं हेमंति आउट्टि चंदे केणं णक्खतेणं जोएइ ?
उ. ता कत्तियाहि , कत्तियाणं अट्ठारस मुहुत्ता, छत्तीसं च बावट्ठिभागा मुहुत्तस्स बावट्ठिभागं
सत्तट्टिधा छेत्ता च चुणिया भागा सेसा। ____ ख. प. तं समयं च सूरे केणं णक्खत्तेणं जोएइ ?
उ. ता उत्तराहिं आसाढाहिं उत्तराणं आसाढाणं चरिमसमए। जोगाणं चंदेण सद्धिं जोग-परूवणं ७८. तत्थ खलु इमे दसविहे जाए पण्णत्ते, तं जहा
१. वसभाणु जोए, २. वेणुयाणु जोए ३. मंचे जोए, ४. मंचाइमंचे जोए ५. छत्ते जोए, ६. छत्ताइ छत्ते जोए ७. जअणद्धे जोए, ८. घणसंमद्दे जोए
९. पीणिए जोए, १०. मंडुकप्पुते जोए १.प. ता एएसि णं पंचण्हं संवच्छराणं छत्ताइच्छत्तं जोयं चंदे कंसि देसंसि जोएइ ?
उ. ता जंबुद्दीवस्स दीवस्स,
__पाईण-पडिणीआययाए,उदीण-दाहिणाययाए जीवाए मंडलं चउव्वीसेणं सएणं छित्ता दाहिणपुरथिमिल्लसि चउभागमंडलंसि सत्तावीसं भागे उवाइणावेत्ता अट्ठावीसइभागं वीसधा छेत्ता अट्ठारसभागे उवाइणावेत्ता तिहिं भागेहिं दोहिं कलाहिं दाहिण-पुरथिमिल्लं चउब्भागमंडलं असंपत्ते एत्थ णं से चंदे छत्तातिच्छत्तं जोयं जोएइ।
उप्पिं चंदो, मज्झे णक्खत्ते, हेट्ठा आइच्चे। २.प. तं समयं च णं चंदे केणं णक्खत्तेणं जोएइ ? उ. ता चित्ताहिं चरमसमए।
