________________
१३२ ]
[ सूर्यप्रज्ञप्तिसूत्र
ख. तत्थ जे ते णक्खत्ता, जेसि णं सहस्सं पंचुत्तरं सत्तसट्ठिभाग तीसइ भागे णं सीमा
विक्खंभो, ते णं बारस, तंजहा - १. दो सतभिसया, २. दो भरणी, ३. दो अद्दा, ४. दो अस्सेसा, ५. दो साती, ६. दो जेट्ठा। ग. तत्थ जे ते णक्खत्ता, जेसि णं दो सहस्सा दसुत्तरा सत्तसट्ठिभाग तीसइ भागे णं सीमाविक्खंभो, ते णं तीसं, तंजहा - १. दो सवणा, २. दो धणिट्ठा, ३. दो पुव्वाभद्दवया, ४. दो रेवई, ५. दो अस्सिणी, ६. दो कत्तिया,७. दो संठाणा, ८. दो पुस्सा, ९. दो महा, १०. दो पुव्वाफग्गुणी, ११. दो हत्था, १२. दो चित्ता, १३. दो अणुराधा, १४. दो मूला, १५. दो पुव्वासाढा, घ. तत्थ जे ते णक्खत्ता, जेसि णं तिण्णि सहस्सा पण्णरसुत्तरा सत्तसट्ठिभाग तीसइ भागे
णं सीमा-विक्खंभो, ते णं बारस, तंजहा - १. दो उत्तरापोट्ठवया, २. दो रोहिणी, ३. दो पुणवस्सू, ४. दो उत्तराफग्गुणी, ५. दो
विसाहा, ६. दो उत्तरासाढा। णक्खत्ताणं चंदेण जोगो - ६२. प. क. ता एएसिणं छप्पण्णाए णक्खत्ताणं -
किं सया पादो चंदेण सद्धिं जोगं जोएंति ? ख. ता एएसिणं छप्पण्णाए णक्खत्ताणं -
किं सया सायं चंदेण सद्धिं जोगं जोएंति ? ग. ता एएसिणं छप्पण्णाए णक्खत्ताणं - ___किं सया दुहा पविसिय पविसिय चंदेण सद्धिं जोगं जोएंति ? उ. क. ता एएसिणं छप्पण्णाए णक्खत्ताणं -
न किं पितं जं सया पादो चंदेण सद्धिं जोगं जोएंति, ख.न सया सायं चंदेण सद्धिं जोगं जोएंति ? ग. न सया दुहओ पविसित्ता पविसित्ता चंदेण सद्धिं जोगंजोएंति, णण्णत्थ दोहिं अभिईहिं।
ता एएणं दो अभिई पायंचिय पायंचिय चोत्तालीसं चोत्तालीसं अमावासं जोएंति णो
चेव णं पुण्णमासिणिं। चंदस्स पुण्णिमासिणीसु जोगो - ६३. तत्थ खलु इमाओ बावष्टुिं पुण्णिमासीओ बावष्टुिं अमावासाओ पण्णत्ताओ,
१. प. ता एएसिणं पंचण्हं संवच्छराणं पढमं पुण्णिमासिणिं चंदे कंसि देसंसि जोएइ ?
उ. जंसिणं देसंसि चंदे चरिमं बावट्ठि पुण्णिमासिणिं जोएइ ताए तेणं पुण्णिमासिणिट्ठाणाए' १. तस्मात्पूर्णमासीस्थानात्-चरमद्वाषष्टितम -
पौर्णमासीपरिसमाप्तिस्थानात् परतो मण्डलं, चतुविंशत्यधिकेन शतेन छित्वा विभज्य॥
