________________
दशमप्राभृत
[इक्कीसवां प्राभृतप्राभृत] णक्खत्ताणं दाराई - ५९. प. ता कहं तेजोइस्स दारा ? आहिए त्ति वएज्जा, उ. तत्थ खलु इमाओ पंच पडिवत्ताओ पण्णत्तीओ, तंजहा -
तत्थेगे एवमाहंसु - १. ता कत्तियादीया सत्त णक्खत्ता पुव्वदारिया पण्णत्ता, एगे एवमाहंसु।
एगे पुण एवमाहंसु - २. ता महादीया सत्त णक्खत्ता पुव्वदारिया पण्णत्ता, एगे एवमाहंसु।
एगे पुण एवमाहंसु३. ता धणिट्ठादीया सत्त णक्खत्ता पुव्वदारिया पण्णत्ता, एगे एवमाहंसु। ___ एगे पुण एवमाहंसु
४. ता अस्सिणीयादीया सत्त णक्खत्ता पुव्वदारिया पण्णत्ता, एगे एवमाहंसु। ___एगे पुण एवमाहंसु - ५. ता भरणीयादीया सत्त णक्खत्ता पुव्वदारिया पण्णत्ता, एगे एवमाहंसु।
१. तत्थ णं जे ते एवमाहंसु - (क) ता कत्तियादीया सत्त णक्खत्ता पुव्वदारिया पण्णत्ता, ते एवमाहंसु, तंजहा -
१. कत्तिया, २. रोहिणी, ३. संठाणा, ४. अद्दा, ५. पुणवस्सू, ६. पुस्सो, ७. असिलेसा। (ख) महादीया सत्त णक्खत्ता दाहिणदारिया पण्णत्ता, तंजहा -
१. महा, २. पुव्वाफग्गुणी, ३. उत्तराफग्गुणी, ४. हत्थो, ५.चित्ता, ६.साई, ७. विसाहा, (ग) अणुराधादीया सत्त णक्खत्ता पच्छिमदारिया पण्णत्ता, तंजहा -
१. अणुराधा, २. जेट्ठा, ३. मूलो, ४. पुव्वासाढा, ५. उत्तरासाढा, ६. अभीइ, ७. सवणो (घ) धणिट्ठायादीया सत्त णक्खत्ता उत्तरदारिया पण्णत्ता, तंजहा -
१. धणिट्ठा, २. सतभिसया, ३. पुव्वापोट्टवया, ४. उत्तरापोट्टवया, ५. रेवई, ६.अस्सिणी,
