________________
दशम प्राभृत - बीसवां प्राभृतप्राभृत ]
[
१२५
४. लक्खणसंवच्छरस्स भेया -
___ता लक्खणसंवच्छरे णं पंचविहे पण्णत्ते तंजहा - १. णक्खत्ते, २. चंदे, ३. उडू, ४. आइच्चे, ५. अभिवड्डिए। ५. सणिच्छरसंवच्छर भेया -
ता सणिच्छरसंवच्छरे णं अट्ठावीसइविहे पण्णत्ते, तंजहा - १. अभियी, २. सवणे, ३. धणिट्ठा, ४. सतभिसया, ५. पुव्वापोट्टवया, ६. उत्तरापोट्टवया, ७. रेवइ, ८. अस्सिणी, ९. भरणी, १०. कत्तिय, ११. रोहिणी, १२. संठाणा, १३. अद्दा, १४. पुणवस्सू, १५. पुस्से, १६. अस्सेसा, १७. महा, १८. पुव्वाफग्गुणी, १९. उत्तराफग्गुणी, २०. हत्थे, २१.चित्ता, २२. साई, २३. विसाहा, २४. अणुराहा, २५. जेट्ठा, २६. मूले, २७. पुव्वासाढा, २८. उत्तरासाढा। जं वा संणिच्छरे महग्गहे तीसाए संवच्छरेहिं सव्वं णक्खत्तमंडलं समाणेइ। गाहाओ - णक्खत्तसंवच्छरलक्खणं - समगं णक्खत्ता जोयं जोएंति, समगं उडू परिणमंति। नच्चुण्हं नाइसीए,
बहु उदए होइ नक्खत्ते॥१॥ चंदसंवच्छरलक्खणं - ससि समग पुण्णमासिं, जोइं ता विसमचारि णक्खत्ता।
कडुओ बहु उदगवओ, तमाहु संवच्छरं चंदं ॥२॥ ३. उडु (कम्म) संवच्छरलक्खणं -
विसमं पवालिणो परिणमंति, अणउसु दिति पुष्फफलं। वासं न सम्म वासइ, तमाहु संवच्छरं कम्मं ॥३॥ आइच्चसंवच्छरलक्खणं - पुढवि-दगाणं च रसं, पुष्फ-फलाणं च देइ आइच्चे। अप्पेण वि वासेणं, सम्मं निप्फज्जए सस्सं ॥४॥ अभिवुड्डियसंवच्छरलक्खणं - आइच्चतेयतविया, खण-लव-दिवसा उऊ परिणमंति। पूरेइ रेणु-थलयाई, तमाहु अभिवड्डिय जाण ॥५॥
१. ठाणं. ५, उ. ३, सु. ४६० २. ठाणं. ५, उ. ३, सु. ४६०
