________________
दशम प्राभृत - दशम प्राभृतप्राभृत ]
[ १०५
२. रेवई पण्णरस अहोरत्ते णेइ, ३. अस्सिणी एग अहोरत्तं णेइ, तंसि च णं मासंसि दुवालसंगुलाए पोरिसीए छायाए सूरिए अणुपरियट्टइ,
तस्स णं मासस्स चरिमे दिवसे लेहत्थाई तिण्णि पयाई पोरिसी भवइ। प. ४. ता वासाणं चउत्थं मासं कत्ति णक्खत्ता णेति ? उ. ता तिण्णि णक्खत्ता णेति, तंजहा - १. अस्सिणी, २. भरणी, ३. कत्तिया, - १. अस्सिणी चउद्दस अहोरत्ते णेइ, २. भरणी पण्णरस अहोरत्ते णेइ, ३. कत्तिया एर्ग अहोरत्तं णेइ, तंसि च णं मासंसि सोलसंगुलाए पोरिए छायाए सूरिए अणुपरियट्टइ,
तस्स णं मासस्स चरिमे दिवसे तिण्णि पयाइं चत्तारि अंगुलाई पोरिसी भवइ। प. १. ता हेमंताणं पढमं मासं कति णक्खत्ता णेति ? उ. ता तिण्णि णक्खत्ता णेंति, तं जहा - १. कत्तिया, २. रोहिणी, ३. संठाणा,
१. कत्तिया चउद्दस अहोरत्ते णेइ, २. रोहिणी पण्णरस अहोरत्ते णेइ, ३. संठाणा एगं अहोरत्तं णेइ, तंसि च णं मासंसि वीसंगुलपोरिसीए छायाए सूरिए अणुपरियट्टइ,
तस्स णं मासस्स चरिमे दिवसे तिण्णि पयाइं अट्ठ अंगुलाई पोरिसी भवइ। प. २. ता हेमंताणं बितियं मासं कति णक्खत्ता णति ? उ. ता चत्तारि णक्खत्ता णेति, तंजहा – १. संठाणा, २. अद्धा, ३. पुणव्वसू, ४. पुस्सो,
१. संठाणा चउद्दस अहोरत्ते णेइ, २. अद्धा सत्त अहोरत्ते णेइ, ३. पुणव्वसू अट्ठ अहोरत्ते णेइ, ४. पुस्से एगं अहोरत्तं णेइ,' तंसि च णं मासंसि वीसंगुलपोरिसीए छायाए सूरिए अणुपरियट्टइ,
तस्स णं मासस्स चरिमे दिवसे लेहत्थाइं चत्तारि पदाइ पोरिसी भवइ। प. ३. ता हेमंताणं ततियं मासं कति णक्खत्ता णेति ? उ. ता तिण्णि णक्खत्ता णेति, तंजहा – १. पुस्सो, २.अस्सेसा, ३. महा,
१. पुस्सो चउद्दस अहोरत्ते णेइ, २. अस्सेसा पंचदस अहोरत्ते णेइ,
