________________
दशमप्राभृत
[ दशम प्राभृतप्राभृत] वासं-हेमंत-गिह-राइंदियाणं ४३ प. १. ता कहं ते णेता आहिए त्ति वएजा ?
ता वासाणं पढमं मासं कति णक्खत्तां णेंति ? उ. ता चत्तारि णक्खत्ता णेति, तं जहा - १. उत्तरसाढा, २. अभिई, ३. सवणो,
४. धणिट्ठा। १. उत्तरासाढा चोद्दस्स अहोरत्ते णेइ, २. अभिई सत्त अहो रत्ते णेइ, ३. सवणे अट्ठ अहोरत्ते णेइ, ४. धणिट्ठा एगं अहोरत्तं णेइ, तंसि णं मासंसि चउरंगुलपोरिसीए छायाए सूरिए अणुपरियट्टइ,
तस्स णं मासस्स चरिमे दिवसे दो पादाइं चत्तारि य अंगुलाणि पोरिसी भवइ। प. २. ता वासाणं बितयिं मासं कत्ति णक्खत्ता णेति ? ... .. उ. ता चत्तारि णक्खत्ता णेति, तंजहा – १. धणिट्ठा, २. सतभिसया, ३. पुव्वपोट्ठवया,
४. उत्तरपोट्ठवया। १. धणिट्ठा चोद्दस्स अहोरत्ते णेइ, २. सतभिसया सत्त अहो रत्ते णेइ, ३. पुव्वोपोट्ठवया अट्ठ अहोरत्ते णेइ, ४. उत्तरपोट्ठवया एगं अहोरत्तं णेइ, तंसि णं मासंसि अटुंगुलपोरिसीए छायाए सूरिए अणुपरियट्टइ,
तस्स णं मासस्स चरिमे दिवसे दो पादाइं अट्ठ अंगुलाई पोरिसी भवइ। प. ३. ता वासाणं ततियं मासं कत्ति णक्खत्ता णेति ? । उ. ता तिण्णि णक्खत्ता णेति, तंजहा – १. उत्तरपोट्ठवया, २. रेवई, ३. अस्सिणी,
१. उत्तरपोट्ठवया चोद्दस्स अहोरत्ते णेइ,
