________________
दशम प्राभृत - पंचम प्राभृतप्राभृत]
[
८७
दुवालसासु पुण्णमासिणीसु णक्खत्त-संजोग-संखा ३८. प. ता कहं ते पुण्णिमासिणी ? आहिए त्ति वएज्जा?
उ. तत्थ खलु इमाओ बारस पुण्णिमासिणीओ, बारस अमावासाओ पण्णत्ताओ तंजहा - १. साविट्ठि, २. पोट्ठवई, ३. आसोया, ४. कत्तिया ५. मग्गसिरी, ६. पोसी, ७. माही, ८. फग्गुणी, ९. चेती, १०. विसाही, ११. जेट्ठामूली, १२. आसाढी। १. प. ता सविट्ठिण्णं पुण्णमासिं कति णक्खत्ता जोएंति ?
उ. ता तिण्णि णक्खत्ता जोएंति, तं जहा - १. अभिई, २. सवणो, ३. धणिट्ठा। २. प. ता पोट्ठवइण्णं पुण्णमासिं कति णक्खत्ता जोएंति ?
उ. ता तिण्णि णक्खत्ता जोएंति,तं जहा - १. सतभिसया, २. पुव्वापोट्ठवया, ३. उत्तरापोट्ठवया। ३. प. ता आसोइण्णं पुण्णमासिं कति णक्खत्ता जोएंति ? ___ उ. ता दोण्णि णक्खत्ता जोएंति, तंजहा - १. रेवती, २. अस्सिणी य। ४. प. ता कत्तिइण्णं पुण्णमासिं कति णक्खत्ता जोएंति ? ___उ. ता दोण्णि णक्खत्ता जोएति, तंजहा - १. भरणी, २.कत्तिया य। ५. प. ता मग्गसिरि पुण्णमासिं कति णक्खत्ता जोएंति ?
उ. ता दोण्णि णक्खत्ता जोएंति, तंजहा - १. रोहिणी, २. मग्गसिरो य। ६. प. ता पोसिण्णं पुण्णमासिं कति णक्खत्ता जोएंति ?
उ. ता तिण्णि णक्खत्ता जोएंति, तंजहा - १. अद्दा, २. पुणव्वसू, ३. पुस्सो। ७. प. ता माहिण्णं पुण्णमासिं कति णक्खत्ता जोएंति? ___उ. ता दोण्णि णक्खत्ता जोएंति, तंजहा - १. अस्सेसा, २. महा य। ८. प. ता फग्गुणिणं पुण्णमासिं कति णक्खत्ता जोएंति ?
उ. ता दोण्णि णक्खत्ता जोएंति, तंजहा - १. पुव्वाफग्गुणी, २. उत्तराफग्गुणी य। ९. प. ता चित्तिण्णं पुण्णमासिं कति णक्खत्ता जोएंति ?
उ. ता दोण्णि णक्खत्ता जोएंति, तंजहा - १. हत्थो, २. चित्ता य। १०. प. ता विसाहिण्णं पुण्णमासिं कति णक्खत्ता जोएंति ?
उ. ता दोण्णि णक्खत्ता जोएंति, तंजहा - १. साती, २. विसाहा य। ११. प. ता जेट्ठा-मूलिण्णं पुण्णमासि कति णक्खत्ता जोएंति ? ___उ. ता तिण्णि णक्खत्ता जोएंति, तंजहा - १. अणुराहा, २. जेट्ठा, ३. मूलो। १२. प. ता आसाढिण्णं पुण्णमासिं कति णक्खत्ता जोएंति ? ।
उ. ता दोण्णि णक्खत्ता जोएंति, तंजहा - १. पुव्वासाढा, २. उत्तरासाढा य।
