________________
दशम प्राभृत - चतुर्थ प्राभृतप्राभृत]
___८३
एवं खलु असिलेसा णक्खत्ते, एगं राइं चंदेण सद्धिं जोयं जोएइ, जोयं जोइत्ता जोयं अणुपरियट्टेइ, जोयं अणुपरियट्टित्ता, पाओ चंदं मघाणं समप्पेइ।
१६. ता मघा खलु णक्खत्ते पुव्वंभागे समक्खेत्ते तीसइ-मुहुत्ते तप्पढमयाए पाओ चंदेण सद्धिं जोयं जोएइ, तओ पच्छा अवरं राई,
एवं खलु मघा णक्खत्ते, एगं च दिवसं एगं च राई चंदेण सद्धिं जोयं जोएइ, जोयं जोइत्ता जोयं अणुपरियट्टइ, जोयं अणुपरियट्टित्ता, पाओ चंदं पुव्वाफग्गुणीणं समप्पेइ।
१७. ता पुव्वाफग्गुणी खलु णक्खत्ते पुव्वंभागे समक्खेत्ते तीसइ-मुहुत्ते तप्पढमयाए पाओ चंदेण सद्धिं जोयं जोएइ, तओ पच्छा अवरं राई,
एवं खलु पुव्वाफग्गुणी णक्खत्ते, एगं च दिवसं एगं च राई चंदेण सद्धिं जोयं जोएइ, जोयं जोइत्ता जोयं अणुपरियट्टेइ, जोयं अणुपरियट्टित्ता, पाओ चंदं उत्तराफग्गुणीणं समप्पेइ।..
१८. ता उत्तरा-फग्गुणी खलु णक्खत्ते उभयंभागे दिड्ढखेत्ते पणयालीसइ-मुहुत्ते तप्पढमयाए पाओ चंदेण सद्धिं जोयं जोएइ, अवरं च राइं तओ पच्छा अवरं च दिवसं,
एवं खलु उत्तराफग्गुणी णक्खत्ते, दो दिवसे एगं च राई चंदेण सद्धिं जोयं जोएइ, जोयं जोइत्ता जोयं अणुपरियट्टइ, जोयं अणुपरियट्टित्ता, सायं चंदं हत्थं समप्पेइ।
१९. ता हत्थे खलु णक्खत्ते पच्छंभागे समक्खेत्ते तीसइमुहुत्ते तप्पढमयाए सायं चंदेण सद्धिं जोयं जोएइ, तओ पच्छाराइं अवरं च दिवसं,
एवं खलु हत्थणक्खत्ते एगं च राई, एगं च दिवसं.चंदेण सद्धिं जोयं जोएइ, जोयं जोइत्ता जोयं अणुपरियट्टइ, जोयं अणुपरियट्टित्ता, सायं चंदं चित्ताए समप्पेइ।
२०. ता चित्ता खलु णक्खत्ते पच्छंभागे समक्खेत्ते तीसइमुहुत्ते तप्पढमयाए सायं चंदेण सद्धिं जोयं जोएइ, तओ पच्छाराई अवरं च दिवसं,
एवं खलु चित्ता णक्खत्ते एगं च राई, एगं च दिवसं चंदेण सद्धिं जोयं जोएइ, जोयं जोइत्ता जोयं अणुपरियट्टइ, . . .
