________________
दशमप्राभृत [ तृतीय प्राभृतप्राभृत ]
णक्खत्ताणं पुव्वाइभागा खेत्त - कालप्पमाणं च ३५. प. ता कहं ते एवं भागा णक्खत्ता ? आहिया ति वएज्जा, उ. ता एएसि णं अट्ठावीसाए णक्खत्ताणं,
[क] अत्थि णक्खत्ता पुव्वंभागा, समखेत्ता तीसइ मुहुत्ता पण्णत्ता । [ख] अतिथ णक्खत्ता पंच्छभागा, समखेत्ता तीसइ मुहुत्ता पण्णत्ता । [ग] अत्थि णक्खत्ता णत्तंभागा, अवड्ढखेत्ता पण्णरस-मुहुत्ता पण्णत्ता । [घ] अत्थि णक्खत्ता उभयं भागा, विड्ढखेत्ता पणयालीसं मुहुत्ता पण्णत्ता । प. [क] ता एएसि णं अट्ठावीसाए णक्खत्ताणं,
कयरे णक्खत्ता पुव्वं भागा, समखेत्ता, तीसइ मुहुत्ता पण्णत्ता ?
[ख] ता एएसि णं अट्ठावीसाए णक्खत्ताणं,
कयरे णक्खत्ता पंच्छभागा, समखेत्ता, तीसइ मुहुत्ता पण्णत्ता ?
[ग] ता एएसि णं अट्ठावीसाए णक्खत्ताणं,
कयरे णक्खत्ता णत्तं भागा, अवड्ढखेत्ता, पण्णरस-मुहुत्ता पण्णत्ता ?
[घ] तो एएसि णं अट्ठावीसाए णक्खत्ताणं,
कयरे णक्खत्ता उभयं भागा, दिवड्ढखेत्ता, पणयालीसं मुहुत्ता पण्णत्ता ?
उ. [क] ता एएसि णं अट्ठावीसाए णक्खत्ताणं,
तत्थ जे ते णक्खत्ता पुव्वंभागा, समक्खेत्ता, तीसइ मुहुत्ता, पण्णत्ता, ते णं छ तंजहा -
१. पुव्वापोट्ठवया, २. कत्तिया, ३. महा, ४. पुव्वाफग्गुणी, ५. मूलो, ६. पुव्वासाढा ।
[ख] ता एएसि णं अट्ठावीसाए णक्खत्ताणं,
तत्थ जे ते णक्खत्ता पच्छंभागा समक्खेत्ता तीसइ मुहुत्ता पण्णत्ता ते णं दस, तंजहा - १. अभिई, २. सवणो, ३. धणिट्ठा, ४. रेवई, ५. अस्सिणी, ६. मिगसिरं, ७. पूसो, ८. हत्थो, ९. चित्ता,
१०. अणुराहा ।
[ग] ता एएसि णं अट्ठावीसाए णक्खत्ताणं,
तत्थ जे ते णक्खत्ता णत्तं भागा अवड्ढखेत्ता पण्णरस-मुहुत्ता पण्णत्ता, ते णं छ तंजहा -
१. सयभिसया, २. भरणी, ३. अद्दा, ४. अस्सेसा, ५. साती, ६. जेट्ठा ।
[घ] ता एएसि णं अट्ठावीसाए णक्खत्ताणं,
तत्थ जे ते णक्खत्ता उभयं भागा दिवडूखेत्ता, पणयालीसं मुहुत्ता पण्णत्ता, ,ते णं छ, तंजहा -
१. उत्तरापोट्ठवया, २. रोहिणी, ३. पुणवस्सू, ४. उत्तराफग्गुणी, ५. विसाहा, ६. उत्तरासाढा।
