________________
दशमप्राभृत
[प्रथम प्राभृतप्राभृत] णक्खत्ताणं आवलिया-णिवायजोगो य ३२. प. ता कहं ते जोगे ति वत्थुस्स आवलिया-णिवाए ? आहिए त्ति वएजा।
उ. तत्थ खलु इमाओ पंच पडिवत्तीओ पण्ण्त्ताओ, तंजहा - तत्थेगे एवमाहंसु - १. ता सव्वे वि णं णक्खत्ता, कत्तियादिया भरणिपजवसाणा पण्णत्ता, एगे एवमाहंसु। एगे पुण एवमाहंसु - २. ता सव्वे वि णं णक्खत्ता, महादिया अस्सेस-पन्जवसाणा पण्णत्ता, एगे एवमाहंसु। एगे पुण एवमाहंसु - ३. ता सव्वे वि णं णक्खत्ता, धणिट्ठादिया सवणपज्जवसाणा पण्णत्ता, एगे एवमाहंसु। एगे पुण एवमाहंसु - ४. ता सव्वे वि णं णक्खत्ता, अस्सिणी-आदिया रेवईपज्जवसाणा पण्णत्ता, एगे एवमाहंसु। एगे पुण एवमाहंसु - ५. ता सव्वे विणं णक्खत्ता, भरणीआदिया अस्सीणीपज्जवसाणा पण्णत्ता, एगे एवमाहंसु। वयं पुण एवं वयामो -
ता सव्वे वि णं णक्खत्ता, अभिई आदिया उत्तरासाढा पज्जवसाणा पण्णत्ता, तंजहा - अभिई सवणी जाव उत्तरासाढा।
१. जंबुद्दीवे दीवे अभिइवज्जेहिं सत्तावीसाए णक्खत्तेहिं संववहारे वति ।
- सम. २७, सु. २
