________________
७०
]
[ सूर्यप्रज्ञप्तिसूत्र
(ख) अस्थि णं से दिवसे जंसि णं दिवसंसि सूरिए नो किंचि पोरिसिच्छायं निव्वत्तेइ, तत्थ जे ते एवमाहंसु - (क ) १. मा अस्थि णं से दिवसे जंसि णं दिवसंसि सूरिए चउ-पोरिसिच्छायं निव्वत्तेइ, (ख) अस्थि णं से दिवसे जंसि णं दिवसंसि सूरिए दु-पोरिसिच्छायं निव्वत्तेइ, ते एवमाहंसु,
(क) ता जया णं सूरिए सव्वब्भंतरं मंडलं उवसंकमित्ता चारं चरइ, तया णं उत्तमकट्ठपत्ते उक्कोसिए अट्ठारसमुहुत्ते दिवसे भवइ, जहणिया दुवालस-मुहुत्ता राई भवइ।
तंसि च णं दिवसंसि सूरिए चउ-पोरिसिच्छायं निव्वत्तेइ, तं जहा – उग्गमण-मुहुत्तंसि य, अत्थमण-मुहुत्तंसि य,
लेसं अभिवड्ढेमाणे नो चेव णं निव्वुड्ढेमाणे। __ (ख) ता जया णं सूरिए सव्वबाहिरं मंडलं उवसंकमित्ता चारं चरइ, तया णं उत्तमकट्ठपत्ता उक्कोसिया अट्ठारसमुहुत्ता राई भवइ, जहण्णिए दुवालस-मुहुत्ते दिवसे भवइ।
तंसि च णं दिवसंसि सूरिए दु-पोरिसिच्छायं निव्वत्तेइ,तं जहा – उग्गमण-मुहुत्तंसि य, अस्थमणमुहुत्तंसि य,
लेसं अभिवड्ढेमाणे नो चेव णं निव्वुड्ढेमाणे। तत्थ णं जे ते एवमाहंसु - २. ता अस्थि णं से दिवसे जंसि णं दिवसंसि सूरिए दु-पोरिसिच्छायं निव्वत्तेइ, अत्थि णं से दिवसे जंसि णं दिवसंसि सूरिए नो किंचि पोरिसिच्छायं निव्वत्तेइ, ते एवमाहंसु,
[क] ता जया णं सूरिए सव्वब्भंतरं मंडलं उवसंकमित्ता चारं चरइ, तया णं उत्तमकट्ठपत्ते उक्कोसिए अट्ठारस-मुहुत्ते दिवसे भवइ, जहणिया दुवालस-मुहुत्ता राई भवइ,
तंसि च णं दिवसंसि सूरिए दु-पोरिसिच्छायं निव्वत्तेइ, तं जहा - उग्गमण-मुहुत्तंसि य, अत्थमणमुहुत्तंसि य,
लेसं अभिवड्ढेमाणे, नो चेव णं निव्वुड्ढेमाणे,
[ख] ता जया णं सूरिए सव्वबाहिरं मंडलं उवसंकमित्ता चारं चरइ, तया णं उत्तमकट्ठपत्ता उक्कोसिया अट्ठारस-मुहुत्ता राई भवइ, जहण्णिए दुवालस-मुहुत्ते दिवसे भवइ,
तंसि च णं दिवसंसि सूरिए नो किंचि पोरिसिच्छायं निव्वत्तेइ, तं जहा - उग्गमण-मुहुत्तंसि य, अस्थमण-मुहुत्तंसि य,
