________________
नवम प्राभृत पोरिसिच्छाय-निव्वत्तणं ३०. प. ता कइकट्ठ ते सूरिए पोरिसिच्छायं णिव्वेत्ति ? आहिए त्ति वएज्जा,
उ. तत्थ खलु इमाओ तिण्णि पडिवत्तीओ पण्णत्ताओ, तं जहा - तत्थेगे एवमाहंसु -
१. ताजे णं पोग्गला सूरियस्स लेसं फुसंति, ते णं पोग्गला संतप्पंति, ते णं पोग्गला संतप्पमाणा तदणंतराइं बाहिराई पोग्गलाई संतावेंतीति,
एस णं से समिए तावक्खेत्ते एगे एवमाहंसु, एो पुण एवमाहंसु -
२. ता जे णं पोग्गला सूरियस्स लेसं फुसंति, ते णं पोग्गला नो संतप्पंति, ते णं पोग्गला . असंतप्पमाणा तदणंतराई बाहिराई पोग्गलाई संतावेंतीति, -
एस णं से समिए तावक्खेत्ते एगे एवमाहंसु, एगे पुण एवमाहंसु -
३. ता जे णं पोग्गला सूरियस्स लेसं फुसंति, ते णं पोग्गला अत्थेगइया संतप्पंति, अत्थेगइया नो संतप्पंति,
तत्थ अत्थेगइया संतप्पमाणा तदणंतराई बाहिराई पोग्गलाई अत्थेगयाइं संतावेंति, अत्थेगयाइं नो संतावेतीति,
एस णं से समिए तावक्खेत्ते एगे एवमाहंसु, वयं पुण एवं वयामो -
ताजाओ इमाओ चंदिम-सूरियाणं देवाणं विमाणेहिंतो लेसाओ बहित्ता उच्छूढा अभिणिसट्ठाओ पतावेंति,
एयासि णं लेसाणं अंतरेसु अण्णयरीओ छिण्णलेसाओ संमुच्छंति, तए णं ताओ छिण्णलेस्साओ संमुच्छियाओ समाणीओ तदणंतराइं बाहिराई पोग्गलाई संतावेंतीति,
एस णं से समिए तावक्खेत्ते।
