________________
६२ ]
[ सूर्यप्रज्ञप्तिसूत्र
जया णं उत्तरड्ढे बारसमुहुत्ताणंतरे दिवसे भवइ, तया णं दाहिणड्ढे बारसमुहुत्ता राई भवइ।
तया णं जंबुद्दीवे दीवे मंदरस्स पव्वयस्स पुरथिमपच्चत्थिमे णं णेवत्थि पण्णरसमुहुत्ते दिवसे भवइ, णेवत्थि पण्णरसमुहुत्ता राई भवइ। वोच्छिण्णा णं तत्थ राइंदिया पण्णत्ता, समणाउओ! एगे एवमाहसु। वयं पुण एवं वयामो
ता जंबुद्दीवे दीवे सूरिया। उदीण-पाईणमुग्गच्छंति, पाईण-दाहिणमागच्छंति। पाईण-दाहिणमुग्गच्छंति, दाहिण-पडीणमागच्छंति। दाहिण-पडीणमुग्गच्छंति, पडीण-उदीणमागच्छंति। पडीण-उदीणमुग्गच्छंति, उदीण-पाईणमागच्छंति।'
(क) ता जया णं जंबुद्दीवे दीवे मंदरस्स पव्वयस्स दाहिणड्ढे दिवसे भवइ, तया णं उत्तरड्ढेऽवि दिवसे भवइ।
जया णं उत्तरड्ढे दिवसे भवइ, तया णं जंबुद्दीवे दीवे मंदरस्स पव्वयस्स पुरथिम-पच्चित्थमे णं राई भवइ।
(ख) ता जया णं जंबुद्दीवे दीवे मंदरस्स पव्वयस्स पुरथिमे णं दिवसे भवइ, तया णं पच्चत्थिमेऽवि दिवसे भवइ।
___ जया णं पच्चत्थिमे णं दिवसे भवइ, तया णं जंबुद्दीवे दीवे मंदरस्स पव्वयस्स उत्तरदाहिणे णं राई भवइ।
(क) ता जया णं जंबुद्दीवे दीवे मंदरस्स पव्वयस्स दाहिणड्ढे उक्कोसए अट्ठारसमुहुत्ते दिवसे भवई, तया णं उत्तरड्ढे उक्कोसए अट्ठारसमुहुत्ते दिवसे भवइ।
__ जया णं उत्तरड्ढे उक्कोसए अट्ठारसमुहुत्ते दिवसे भवइ, तया णं जंबुद्दीवे दीवे मंदरस्स पव्वयस्स
१. प. जम्बूद्दीवे णं भंते ! दीवे सूरिआ ? उदीणपाईणमुग्गच्छ पाईणदाहिणमागच्छंति ?
पाईणदाहिणमुग्गच्छ दाहिणपडीणमागच्छं ति ? दाहिणपडीणमुग्गच्छ पडीणउदीणमागच्छंति ?
पडीणउदीणमुग्गच्छ उदीणपाईणमागच्छंति ? उ. हंता गोयमा ! जहा पंचमसए पढमे उद्देसे जाव णेवत्थि उस्सप्पिणी अवटुिंए णं तत्थ काले पं. समणाउसो!
- भग. स. ५, उ.१ सु.५ (क) जंबु. वक्ख. ७, सु. १५०
