________________
७६]
[ जीवाजीवाभिगमसूत्र नागोदसमुद्र, यक्षद्वीप यक्षोदसमुद्र, इस प्रकार से यावत् स्वयंभूरमणद्वीप और स्वयंभूरमणसमुद्र है। समुद्रों के उदकों का आस्वाद
१८६. (आ) लवणस्स णं भंते ! समुद्दस्स उदए केरिसए अस्साएणं पण्णत्ते ?
गोयमा ! लवणस्स उदए आइले, रइले, लिंदे, लवणे, कडुए, अपेज्जे बहूणं दुप्पयचउप्पय-मिग-पसु-पक्खि-सरिसवाणं णण्णत्थ तज्जोणियाणं सत्ताणं।
कालोयस्स णं भंते ! समुद्दस्स उदए केंरिसए अस्साएणं पण्णत्ते ! गोयमा ! आसले पेसले कालए मासरासिवण्णाभे पगईए उदगरसेणं पण्णत्ते।
पुक्खरोदस्स णं भंते ! समुद्दस्स उदए केरिसए पण्णत्ते ? गोयमा ! अच्छे, जच्चे, तणुए फालिहवण्णाभे पगईए उदगरसेणं पण्णत्ते। __ वरूणोदस्स णं भंते०? गोयमा ! से जहाणामए पत्तासवेइ वा, चोयासवेइ वा, खजूरसारेइ वा, सुपक्कखोयरसेइ वा, मेरएइ वा, काविसायणेइ वा, चंदप्पभाइ वा, मणसिलाइ वा, वरसीधूइ वा, वरवारूणीइ वा, अट्ठपिट्ठपरिणिट्ठियाइ वा, जंबूफलकालिया वरप्पसण्णा उक्कोसमदपत्ता ईसि उट्ठावलंबिणी, ईसितंबच्छिकरणी, ईसिवोच्छेयकरणी, आसला मासला पेसला वण्णेणं उववेया जाव णो इणढे समठे, वरूणोदए इत्तो इठ्ठतरे चेव अस्साएणं पण्णत्ते।
खीरोदस्स णं भंते ! समुदस्स उदए केरिसए अस्साएणं पण्णत्ते ?
गोयमा ! से जहाणामए चाउरंतचक्कवट्टिस्स चाउरक्के गोखीरे पजत्तमंदग्गिसुकड्डिए आउत्तरखण्डमच्छंडिओववेए वण्णेणं उववेए जाव फासेणं उववेए, भवे एयारूवे सिया ? णो इणढे समढे , गोयमा ! खीरोयस्स० एत्तो इट्ठयरे जाव अस्साएणं पण्णत्ते।
घयोदस्स णं से जहाणामए सारइयस्स गोघयवरस्स मंडे सल्लइकणियारपुप्फवण्णाभे सुकड्डियउदारसज्झवीसंदिए वण्णेणं उववेए जाव फासेण य उववेए-भवे एयारूवे ? णो इणढे समठे, एत्तो इट्ठयरो०।
खोदोदस्स से जहाणामए उच्छूण जच्चपुंडयाण हरियालपिंडिएणं भेरूंडुप्पणाण वा कालपेराणं तिभागनिव्वडियवाडगाणं बलवगणरजंतपरिगालियमित्ताणं जे य रसे होज्जा। वत्थपरिपूए चाउजतग-सुवासिए अहियपत्थे लहुए वण्णेणं उववेए जाव भवे एयारूवे सिया? णो इणढे समढे, एत्तो इट्ठयरे०। एवं सेसगाणवि समुद्दाणं भेदो जाव सयंभूरमणस्स णवरि अच्छे जच्चे पत्थे जहा पुक्खरोदस्स।
कइ णं भंते ! समुद्दा पत्तेयरसा पण्णत्ता ? गोयमा ! चत्तारि समुद्दा पत्तेयरसा पण्णत्ता,
