________________
तृतीय प्रतिपत्ति
लवणसमुद्र की वक्तव्यता
१५४. जंबुद्दीवं णामं दीवं लवणे णामं समुद्दे वट्टे वलयागारसंठाणसंठिए सव्वओ समंता संपरिक्खित्ता णं चिट्ठइ। लवणे णं भंते! समुद्दे किं समचक्कवालसंठिए विसमचक्कवालसंठिए? गोयमा! समचक्कवालसंठिए नो विसमचक्कवालसंठिए।
लवणे णं भंते! समुद्दे केवइयं चक्कवालविक्खंभेणं केवइयं परिक्खेवेणं पण्णत्ते?
गोयमा! लवणे णं समुद्दे दो जोयणसयसहस्साई चक्क वालविक्खंभेणं पण्णरस जोयणसयसहस्साइं. एगासीइसहस्साई संयमे गोणचत्तालीसे किंचिविसे साहिए लवणोदहिणो चक्कवालपरिक्खेवेणं।
से णं एक्काए पउमवरवेइयाए एगेण य वणसंडेण सव्वओ समंता संपरिक्खत्ते चिट्ठइ, दोण्हवि वण्णओ। सा णं पउमवरवेदिया अद्धजोयणं उर्दू उच्चत्तेणं पंचधणुसयं विक्खंभेणं लवणसमुद्द-समियापरिक्खेवेणं, सेसे तहेव। से णं वनसंडे देसूणाई दो जोयणाइं जाव वि हरइ।
लवणस्स णं भंते! समुद्दस्स कति दारा पण्णत्ता? गोयमा! चत्तारि दारा पण्णत्ता, तं जहाविजए, वेजयंते, जयंते, अपराजिए।
कहि णं भंते। लवणसमुद्दस्स विजए णामं दारे पण्णत्ते? गोयमा! लवणसमुद्दस्स पुरथिमपेरंते धायइखंडस्स दीवस्स पुरथिमद्धस्स पच्चत्थिमेणं सीओदाए महाणईए उप्पि एत्थ णं लवणस्स समुद्दस्स विजए णामं दारे पण्णत्ते, अट्ठजोयणाई उर्दू उच्चत्तेणं चत्तारि जोयणाई विक्खंभेणं एवं तं चेव सव्वं जहा जम्बुद्दीवस्स विजए दारे रायहाणी पुरथिमेणं अण्णंमि लवणसमुद्दे।
कहि णं भंते! लवणसमुद्दे वेजयंते णामं दारे पण्णत्ते? गोयमा! लवणसमद्दे दाहिणपेरंते धातइखंडस्स दाहिणद्धस्स उत्तरेणं सेसं तं चेव। एवं जयंते वि, णवरि सीयाए महाणईए उप्पि भाणियव्वं । एवं अपराजिए वि, णवरं दिसिभागो भाणियव्वो।
लवणस्स णं भंते। समुद्दस्स दारस्स य दारस्स य एस णं केवइयं अबाहाए अंतरे पण्णत्ते? गोयमा!
१.विजयदारसरिसमेयंपि। २. किन्हीं प्रतियों में यहां चारों द्वारों का पूरा वर्णन मूलपाठ में दिया हुआ है, परन्तु वह पहले कहा जा चुका है और
टीकानुसारी भी नहीं है, अतएव उसका उल्लेख नहीं किया गया है।
