________________
राजप्रश्नीयसूत्र
वासे पन्नत्ते, तं जहा——- तवणिज्जमया पगंठगा, अंकमया मंडला, अणुग्घसितनिम्मलाए छायाए समणुबद्धा, चंदमंडलपडिणिकासा, महया - महया अद्धकायसमाणा पन्नत्ता समणाउसो !
७०
सि णं तोरणाणं पुरओ दो-दो वइरनाभथाला पन्नत्ता, अच्छतिच्छडियसालितंदुलहसंदिट्ठपडिपुन्ना इव चिट्ठति सव्वजंबूणयमया जाव' पडिरूवा महया - महया रहचक्कवालसमाणा पन्नत्ता समणाउसो !
सिणं तोरणाणं पुरओ दो-दो पाईओ, ताओ णं पाईओ सच्छोदगपरिहत्थाओ, णाणाविहस्स फलहरियगस्स बहुपडिपुन्नाओ विव चिट्ठति, सव्वरयणामईओ अच्छा जाव' पडिरूवाओ महयामहया गोकलिंजरचक्कसमाणीओ पन्नत्ताओ समणाउसो !
सिणं तोरणाणं पुरओ दो-दो सुपइट्ठा पत्ता णाणाविहभंडविरइया इव चिट्ठति सव्वरयणामया अच्छा जावरे पडिरूवा ।
तेसि णं तोरणाणं पुरओ दो-दो मणोगुलियाओ पन्नत्ताओ, तासु णं मणोगुलियासु बहवे सुवन्न - रुप्पमया फलगा पन्नत्ता, तेसु णं सुवन्नरुप्पमएसु फलगेसु बहवे वयरामया नागदंतया पन्नत्ता, तेसु णं वयरामएसु णागदंतएसु बहवे वयरामया सिक्कगा पन्नत्ता, तेसु णं वयरामएसु सिक्कगेसु किण्हसुत्तसिक्कगवच्छिया णीलसुत्तसिक्कगवच्छिया, लोहियसुत्तसिक्कगवच्छिया हालिद्दसुत्तसिक्कगवच्छिया, सुक्किल्लसुत्तसिक्कगवच्छिया बहवे वायकरगा पन्नत्ता सव्ववेरुलियमया अच्छा जाव पडिरूवा ।
तेसि णं तोरणाणं पुरओ दो दो चित्ता रयणकरंडगा पन्नत्ता, से जहाणामए रनो चाउरंतचक्कवट्टिस्स चित्ते रयणकरंडए वेरुलियमणिफलिहपडलपच्चोयडे साते पहाते ते पतेसे सव्वतो समंता ओभासति उज्जोवेति तवति पभासति, एवमेव ते वि चित्ता रयणकरंडगा साते भाते ते पसे सव्वओ समंता ओभासंति, उज्जोवेंति, तवंति पभासंति ।
तेसि णं तोरणाणं पुरओ दो दो हयकंठा, गयकंठा, नरकंठा, किन्नरकंठा, किंपुरिसकंठा, महोरगकंठा, गंधव्वकंठा, उसभकंठा सव्वरयणामया अच्छा जाव' पडिरूवा ।
तेसि णं तोरणाणं पुरओ दो-दो पुप्फचंगेरीओ, मल्लचंगेरीओ, चुन्नचंगेरीओ, गंधचंगेरीओ, वत्थचंगेरीओ, आभरणचंगेरीओ, सिद्धत्थचंगेरीओ लोमहत्थचंगेरीओ पन्नत्ताओ सव्वरयणामयाओ अच्छाओ जाव पडिरूवाओ ।
सि णं तोरणाणं पुरओ दो दो पुप्फपडलगाई जाव लोमहत्थपडलगाई सव्वरयणामयाई अच्छाई जाव' पडिरूवाइं ।
सि णं तोरणाणं पुरओ दो दो सीहासणा पण्णत्ता, तेसि णं सीहासणाणं वण्णओ जाव'
१-७. देखें सूत्र संख्या ११८
८.
सिंहासन के वर्णन के लिए देखें सूत्र संख्या ४८, ४९, ५०, ५१
