Page Text
________________
औपपातिकसूत्र दीवो, ताणं, सरणं, गई, पइट्ठा, धम्मवरचाउरंतचक्कवट्टी, अप्पडिहयवरनाणदंसणधरे, वियदृच्छउमे, जिणे, जाणए, तिण्णे, तारए, मुत्ते, मोयए, बुद्धे, बोहये, सव्वण्णू, सव्वदरिसी, सिवमयलमरुयमंणतमक्खयमव्वाबाहमपुणरावत्तगं सिद्धिगइणामधेनं ठाणं संपाविउकामे, अरहा, जिणे, केवली सत्तहत्थुस्सेहे, समचउरंससंठाणसंठिए, वजरिसहनारायसंघयणे, अणुलोमवाउवेगे कंकग्गहणी कवोयपरिणामे, सउणिपोसपिटुंतर रोरू-परिणए, पउमुप्पलगंधसरिसनिस्साससुरभिवयणे, छवी, निरायंक-उत्तमपसत्थ-अइसेयनिरुवमपले, जल्ल-मल्ल-कलंक-सेय-रय-दोसवज्जियसरीरनिरुवलेवे, छायाउज्जोइयंगमंगे, घणनिचियसुबद्ध-लक्खणुण्णयकूडागारनिभपिंडियग्गसिरए, सामलिबोंड-घणनिचियच्छोडियमिउविसय-पसत्थसुहुम-लक्खणसुगंधसुन्दर-भुयमोयग-भिंग-नील-कज्जल-पहट्ठभमरगणणिद्धनिकुरुंबनिचियकुंचिय-पयाहिणावत्तमुद्धसिरए, दालिमपुप्फप्पगासतवणिजसरिसनिम्मलसुणिद्धकेसंतकेसभूमी, छत्तागारुत्तिमंगदेसे णिव्वण-सम-लट्ठ-मट्ठ-चंदद्धसमणिडाले, उडुवइपडिपुण्णसोमवयणे, अल्लीणपमाणजुत्तसवणे, सुस्सवणे, पीण-मंसल-कवोलदेसभाए, आणामियचावरुइल-किण्हब्भराइतणुकसिणणिद्धभमुहे, अवदालिय-पुंडरीयणयणे, कोआसियधवल-पत्तलच्छे, गरुलाययउज्जतुंगणासे, उवचियसिलप्पवाल-बिंबफल-सण्णिभाहरोटे, पंडुर-ससिसयलविमलणिम्मलसंख-गोक्खीरफेणकुंद-दगरय-मुणालिया-धवलदंतसेढी, अखंडदंते, अप्फुडियदंते, अविरलदंते, सुणिद्धदंते, सुजायदंते, एगदंतसेढी विव अणेगदंते, हुयवहणिद्धंतधोयतत्ततवणिजरत्ततलतालुजीहे, अवट्ठियसुविभत्तचित्तमंसू, मंसल-संठिय-पसत्थ-सदूलविउलहणुए, चउरंगुलसुप्पमाणकंबुवरसरिसग्गीवे, वरमहिस-वराहसीह-सदूल-उसभ-नागवर-पडिपुण्णविउलक्खंधे, जुगसन्निभपीण-रइयपीवरपउट्ठ-सुसंठिय-सुसिलिट्ठविसिट्ठ-घण-थिर-सुबद्धसंधिपुरवर-फलिहवट्टियभुएभुयगीसरविउलभोगआयाणपलिहउच्छूढदीहबाहू, रत्ततलोवइय-मउय-मंसल-सुजाय-लक्खणपसत्थ-अच्छिद्दजालपाणी, पीवरकोमल-वरंगुली, आयंबतंबतलिणसुइरुइलणिद्धणखे, चंदपाणिलेहे, संखपाणिलेहे, चक्कपाणिलेहे, दिसासोत्थियपाणिलेहे, चंद-सूर-संख-चक्क-दिसासोत्थियपाणिलेहे, कणगसिलायलुजल-पसत्थ-समतल-उवचियविच्छिण्णपिहुलवच्छे, सिरिवच्छंक्किवच्छे, अकरंडुयकणगरुययनिम्मलसुजायनिरुवहयदेहधारी, अट्ठसहस्सपडिपुण्णवरपुरिसलक्खणधरे, सण्णयपासे, संगयपासे, सुंदरपासे, सुजायपासे, मियमाइयपीणरइयपासे, उज्जुय-समसहिय-जच्च-तणु-कसिण-णिद्ध-आइज-लउह-रमणिज्जरोमराई, झस-विहगसुजायपीणकुच्छी, झसोयरे, सुइकरणे पउमवियडणाभे, गंगावत्तगपयाहिणावत्त-तरंगभंगुर-रविकिरण-तरुण-बोहियअकोसायंत-पउमगंभीर-वियडणाभे, साहयसोणंद-मुसलदप्पणणिकरियवरकणगच्छरुसरिसवरवइरवलियमझे, पमुइयवरतुरग-सीहवर-वट्ठियकडी, वरतुरगसुजायसुगुझदेसे, आइण्णहउव्वणिरुवलेवे, वरवारणतुल्लविक्क-मविलसियगई, गयससणसुजायसन्निभोरू, समुग्गणिमग्गगूढजाणू, एणीकुरुविंदावत्तवट्टाणपुव्वजंघे, संठियसुसिलिट्ठगूढगुप्फे, सुप्पइट्ठियकुम्मचारुचलणे, अणुपुव्वसूसंहयंगुलीए, उण्णयतणुतंबणिद्धणक्खे, रत्तुप्पलपत्तमउयसुकुमालकोमलतले, अट्ठसहस्सवरपुरिसलक्खणधरे, नग-नगर-मगर-सागर-चक्क-कवरंग-मंगलंकियचलणे, विसिट्ठरूवे, हुयवहनिद्धूमजलियतडितडियतरुणरविकिरणसरिसतेए, अणासवे, अममे, अकिंचणे, छिन्नसोए, निरुवलेवे,
| SR No. | 003452 |
| Book Title | Agam 12 Upang 01 Auppatik Sutra Stahanakvasi |
| Original Sutra Author | N/A |
| Author | Madhukarmuni, Kanhaiyalal Maharaj, Devendramuni, Ratanmuni |
| Publisher | Agam Prakashan Samiti |
| Publication Year | 1992 |
| Total Pages | 242 |
| Language | Hindi |
| Classification | Book_Devnagari, Agam, Canon, Principle, & agam_aupapatik |
| File Size | 17 MB |