________________
द्वितीय उद्देशक: गाया ३२७ से ३३४
३०३
३३१. बाला बला भूमिमणोक्कमंता, पविज्जलं लोहपहं व तत्तं ।
जंसीऽभिदुग्गंसि पवज्जमाणा, पेसे व दंडेहिं पुरा करेंति ॥५॥ ३३२. ते संपगाढंसि पवज्जमाणा, सिलाहिं हम्मंतिऽभिपातिणीहिं।
संतावणी नाम चिरद्वितीया, संतप्पति जत्थ असाहुकम्मा ॥६॥ ३३३. कंदूसु पक्खिप्प पयंति बालं, ततो विडड्डा पुणरुप्पतंति ।
ते उड्डकाएहि पखज्जमाणा, अवरेहि खज्जति सणप्फहि ॥७॥ ३३४. समूसितं नाम विधूमठाणं, जे सोगतत्ता कलुणं थणंति ।
अहो सिरं कट्ट, विगत्तिऊणं, अयं व सत्थेहि समोसर्वेति ॥ ८॥ ३३५. समूसिया तत्थ विसूणितंगा, पक्खोहि खजति अयोमुहेहि ।
संजीवणी नाम चिरद्वितीया, जंसि पया हम्मति पावचेता ॥६॥ ३३६. तिक्खाहिं सूलाहि भितावयंति, वसोवगं सोअरियं व लख।
ते सूलविद्धा कलुणं थणंति, एगंतदुक्खं दुहओ गिलाणा ॥ १० ॥ ३३७. सदा जलं ठाण निहं महंतं, जंसी जलंती अगणी अकट्ठा ।
चिढ़ती तत्था बहुकूरकम्मा, अरहस्सरा केइ चिरद्वितीया ॥ ११ ॥ ३३८. चिता महंतीउ समारभित्ता, छुम्भंति ते तं कलुणं रसंतं ।
__ आवट्टति तत्थ असाहुकम्मा, सप्पि जहा पतितं जोतिमज्झे ॥ १२ ॥ ३३६. सदा कसिणं पुण धम्मठाणं, गाढोवणीयं अतिदुक्खधम्म ।
हत्थेहि पाएहि य बंधिऊणं, सत्तुं व दंडेहि समारभंति ॥ १३ ॥ ३४०. भंजंति बालस्स बहेण पट्टि, सीसं पि भिदंति अयोधणेहि ।
ते भिन्नवेहा व फलगावतट्ठा, तत्ताहि आराहिं णियोजयंति ॥ १४ ॥ ३४१. अभिजुजिया रुद्द असाहुकम्मा, उसुचोदिता हत्थिवहं वहति ।
एगं दुरुहित्तु दुए तयो वा, आरुस्स विज्झंति ककाणओ से ॥ १५ ॥ ३४२. बाला बला भूमि अणोक्कमंता, पविज्जलं कंटइलं महंतं ।
विबद्ध तप्पेहि विवण्णचित्ते, समीरिया कोट्ट बलि करेंति ॥ १६ ॥ ३४३. वेतालिए नाम महभितावे, एगायते पव्वतमंतलिक्खे ।
हम्मति तत्था बहुकूरकम्मा, परं सहस्साण मुहत्तगाणं ॥ १७ ॥
