________________
॥णमो समणस्स भगवओ महावीरस्स ॥ सिरि-जिणभद्द-खमासमण-विरइयं
जी य क प्प-सु त्तं
2000000000000
कय-पवयण-प्पणामो वोच्छं पच्छित्तदाण-संखेवं ।
जीयव्यवहार-गयं जीयस्स विसोहणं परमं ॥१॥ संवर-विणिजराओ मोक्खस्स पहो, तवो पहो तासिं ।
तवसो य पहाणंगं पच्छित्तं, जं च नाणस्स ॥२॥ सारो चरणं, तस्स वि नेव्वाणं, चरण-सोहणत्थं च ।
पच्छित्तं, तेण तयं नेयं मोक्खत्थिणाऽवस्सं ॥ ३ ॥ तं दसविहमालोयण १ -पडिकमणोभय २-३ -विवेग ४ -वोस्सग्गे ५।
तव ६ -छेय ७-मूल ८-अणवठ्ठया ९ य पारश्चिए १० चेव ॥४॥ १. करणिज्जा जे जोगा तेसुवउत्तस्स निरइयारस्स ।
छउमत्थस्स विसोही जइणो आलोयणा भणिया ॥५॥ आहाराइ-ग्गहणे तह बहिया निग्गमेसुऽणेगेसु ।
उच्चार-विहारावणि चेहय-जइ-वन्दणाईसु॥६॥ जं चऽन्नं करणिज्जं जइणो हत्थ-सय-बाहिरायरियं ।
अवियडियम्मि असुद्धो, आलोएन्तो तयं सुद्धो ॥७॥ कारण-विणिग्गयस्स य स-गणाओ पर-गणागयस्स वि य ।
उवसंपया-विहारे आलोयण-निरइयारस्स ॥८॥ २. गुत्ती-समिह-पमाए गुरुणो आसायणा विणय-भंगे।
इच्छाईणमकरणे लहुस मुसादिन्न-मुच्छासु ॥९॥ अविहीह कास-जंभिय-खुय-वायासंकिलिट्ठ-कम्मेसु ।।
कन्दप्प-हास-विगहा कसाय-विसयाणुसंगेसु ॥ १०॥ खलियस्स य सव्वत्थ वि हिंसमणावजओ जयन्तस्स ।
सहसाणाभोगेण व मिच्छाकारो पडिक्कमणं ॥११॥
Jain Education International
For Private & Personal Use Only
www.jainelibrary.org
