Page Text
________________
बम्भदत्त
३७
वि कओ वत्थ- परावत्तो । पविट्ठा गामब्भन्तरं । ताव य एक्क दियवर - मन्दिराओ निग्गन्तूण दास - चेडेण भणिया ते 'एह, भुञ्जह'त्ति । तओ गया तत्थ रायाणुरूव - पडिवत्ति - जुत्तं भुञ्जाविया ते ।
5
6
तदवसाणे य एक्का पवर-महिला बन्धुमइमुद्दिस्स कुमार- उत्तमङ्गे अक्खए पक्खिवइ । भणइ य ' एस इमाए कन्नगाए वरो 'ति । एयमायाणिऊण भाणियं वरघणुणा किमेयस्स मुक्खबहुयस्स कए अप्पाणं खेएह ?' तओ घरसामिएण भणिय 'सामि, सुव्वउ ! पुव्वं नेमित्तिएण साहियं अम्हं, जहा - इमाए बालियाए जो पट्टच्छाइय- वच्छो समित्तो भुजिही भोयणं, स होही 10 भत्तारो 'ति । एवमाइ भणिओ तंमि दियहे काराविओ पाणिग्गहणं कुमारो त्ति । बीय-दिणे भणिओ कुमारो वरघण्णा 'दूरं गन्तव्वं 'ति । तओ बन्धुमईए सब्भावं कहिय निग्गया । गच्छन्ता पत्ता दूरगामन्तरं । तत्थ सलिलत्थी वरघणू पविट्ठो । लहुमागन्तूण भणइ जहा • दीहराइणा बम्भदत्तस्स सव्वओ पन्था बन्धाविय त्ति जण-वाओ 15 एत्थ मए सुओ । ता कुमार, नस्सामो ! तओ पयट्टा उम्मग्गेणं । पत्ता महाड । तओ कुमारं हेट्ठा ठविडं तिसाभिभूयं गओ वरघणू जलट्ठा | ताव य दिनावसा दिट्ठो वरघणू जम-भडेहिं व दीह - निउत्त- नरेहिं हम्ममाणो दूर- देसमागओ | कुमारस्स सन्ना कया । पलाणो बम्भदत्तो, पडिओ 20 य दुग्गम - कन्तारं ।
"
वडस्स
ओ तहा छुहा - परिस्सम- किलन्तो अइक्कमिऊण महाडई तइयदिणे पेच्छ तावसमेकं । दंसण- मेत्तेणेव जाया तस्स जीवियासा । पुच्छिओ यसो भयव, कत्थ तुम्हाणमासमो ? ' तेण वि कहिउं नीओ कुलवइ- समीवं, पणमिओ कुलवई । भाणओ य तेण ' वच्छ, 25 कहिं ते आगमणं ? बहुपच्चवायमरणं' । तओ तेण सव्वं जहावस्थि
यमवितहं साहियं । तओ सो भाणओ कुलवइणा ' जहाहं तुह जणयस्स चुल्लताओ त्ति; ता नियं चेवासमपयं तुम्ह; जहासुहं चिट्ठह 'ति । मुणिऊण तस्स चित्ताहिप्पायं अच्छिउं पयत्तो । ताव
Jain Education International
For Private & Personal Use Only
www.jainelibrary.org
| SR No. | 003410 |
| Book Title | Prakrit Kathasangraha |
| Original Sutra Author | N/A |
| Author | Jinvijay |
| Publisher | Gujarat Puratattva Mandir Ahmedabad |
| Publication Year | |
| Total Pages | 102 |
| Language | Hindi, Sanskrit |
| Classification | Book_Devnagari |
| File Size | 4 MB |