________________
१८
प्राकृत कथासंग्रह रिय-माणसो य अपुप्व-रसन्तर-मणुहवन्तो गओ सणंकुमार-दंसणपहं । दूराओ चेव सणंकुमारेण परियाणिऊण अब्भुढिओ । पायवडणुट्ठिओ य उवऊढो गाढं । दुवे वि पमोयाऊारिय-माणसा उवाबठ्ठा दिन्नासणेसु । विज्जाहर-लोगो य उवसन्त-गेयाइ-कलयलो पासेसु 5 अल्लीणो। तयणन्तरं च फुसिऊण आणन्दजलभरियं नयणजुयलं भाणयं सणकुमारेण 'वयंस, कहं तुममेगागी एत्थ भासणा-रणे आगओ, कहं च एत्थ-हिटओ वियाणिओ हं, किं वा करेइ मम विरहे महाराओ अम्बा य? कहियं जहा-वत्तं माहन्द-सीहेण। तओ मज्जाविओ वर-विलासिणीहिं महिन्द-सीहो । कयमुचिय-करणिज'। 10 भोयणा-वसाणे य पुट्ठो णेण सणंकुमारो, जहा 'कुमार, तुरंगमेण
अवहरिओ तुमं तया कहिं गओ, कहिं ठिओ, कत्तो वा एरिसी रिद्धी ?' सणंकुमारेण चिन्तियः न जुत्तं निय-चरिय-कहणं नियमुहेण सप्पुरिसाणं, ता कहावेमि परमुहेणं । तओ भाणया कन्ना
सय-मझ-गया परिणीया खयरिन्द-धूया निय-दइया वउलमई ‘पिए, 15 नीसेसं मह वइयरं विजाए आभोएऊण साहेसु महिन्दसीहस्स;
मम पुण निदाए घुम्मान्ति लोयणाइं-'ति मणिऊणुववन्नो रइहरे । वउलमई वि साहिउमाढत्ता कुमार-चरियं ।
तत्थ तया तुम्ह नियन्ताण चेव अस्सेणावहरिओ कुमारो पवेसिओ तेण घोराए अडविए । बीय-दियहे वि तहेव वच्चन्तस्स 20 आसस्स जाओ मज्झण्हसमओ । खुहा-पिवासाउलेण य आसेण
निल्लालिया जीहा, उद्घडिओ चेव सासाऊरिय-गलो, थक्को, उत्तरिओ कुमारो । छोडिया पट्टाढा, ऊसारियं पल्लाणं, जाव घुम्मिऊण निवडिओ आसो, मुक्को अकज-कारि-त्ति कलिऊणं पंच-पाणेहिं ।
तं बुक्कपेसणं च मोत्तूण गओ कुमारो, उदयण्णेसण-परायणो य 25 हिण्डिउमाढत्तो । न कहिं पि आसाइयमुदयं । तओ दीहद्धाणयाए
सुकुमारयाए य मज्झण्ह-कालत्तणओ य दव-दडयाए य रण्णस्स अईव हल्लोहली-हूओ । दूर-देसंमि दट्टण सत्तच्छ्यं पहाविओ
Jain Education International
For Private & Personal Use Only
www.jainelibrary.org
