________________
सुईमुहाइ गेहो कायन्ना सिणि म्हात वावमुद्दा । गिहवाराउ कमुच्चा हटुच्चा पुरओ मज्झसमा ॥ ७१ पुव्वुन्नये अत्थहरं जमुन्नयं मंदिरं धणसमिद्धं । अवरुन्नये विद्धिकरं उत्तरन्नय होइ उव्वसियं ॥ ७२ मूलाओ औरंभ कीरइ पच्छा कमे कमे कुज्जा । मूलं गणियविसुद्धं वेहं सव्वत्थ वजिजा ॥ ७३. तलवेह १ कोणवेहं २ तालुयवेहं ३ कवालवेहं ४ च । तह थंभ ५ तुलावेहं ६ दुवारवेहं च ७ सत्तमयं ॥ ७४ समविसम भूमिकुंभिय जलपूरं परगिहस्स तलवेहं । कूणसमं जइ कूणं न होइ ता कूणवेहं तु ॥ ७५ इक्कखणे नीचुच्चं पीढं तं मुणह तालुयावेहं । वारस्सुवरिमपट्टे गन्भे पीढं च सिरवेहं ॥ ७६ गेहस्स मज्झि भाए थंभेगं तं मुणेह उरसल्लं । अह अनलो विनलाई हविज्ज जा थंभवेह तं ॥ ७७ हिट्ठम उवरंमि खणे हीणाहिय पीढ तं तुलावेहं । पीढं पीढस्स समं हवेइ जइ तत्थ नहु दोसं ॥ ७८ कुव-थंभु-दुमें कोणय कीले विढे दुवारवेहो य । गेहुचविउण भूमी तं न विरुद्धं बुहा विति ॥ ७९ तलवेहि कुट्ठरोया हवंति उव्वेय कोणवेहमि । तालुयवेहेसु भयं कुलक्खयं थंभवेहेण ॥ ८०
१ सगडमुहा वरगेहा। २ तहय। ३ पुबुञ्चं। ४ दाहिण उच्चघरं । ५ अवरुञ्च । ६ उव्वसियं उत्तराउच्चं । ७ आरंभो। ८ सव्वं । ९ वेहो। १० वेहो। ११ वेहो। १२ वेहो सो। १३ हिट्रिम उवरि खणाणं । १४ पीढा समसंखाओ हवंति जइ तत्थ नहु दोसो। १५ दूमकूव-थंभ। १६ वेहेण ।
Jain Education International
For Private & Personal Use Only
www.jainelibrary.org
