________________
ठकुर-फेरू-विरचित वावी- कूव - तडागे सयणे अ गओ अ आसणे सीहो। वसहो भोयणपत्ते छत्तालंबे धओ सिट्ठो ॥ ५२ विस-कुंजर-सीहाया नयरे पासाय-सव्वगेहेसु । साणं मिच्छाईणं घंखं कारुयगिहाईसु ॥ ५३ धूमं रसोइठाणे तहेव गेहेसु वह्निजीवाणं । रासहु वेसाण गिहे धय-गय-सीहाउ रायहरे ॥ ५४ दीहं वित्थरिगुणियं जं हुइ तं मूलरासि नायव्वं । वसु ८ हय रिक्ख २७ विहत्तं, गिहनक्खत्तं भवे सेसं ॥ ५५ गिहरिक्खं वेयध्हयं नवभाए लद्ध भुत्तरासि धुवं । गिहरासि सामिरासी छक्कट्ठ दुवार(ल)सं असुहं ॥ ५६ रिक्खं वसु ८ सेस वयं तं च तिहा जक्ख-रक्खस-पिसायं । आयं काउ कमेणं हीणाहिय सम मुणेयव्वं ॥ ५७ . जक्ख वओ विद्धिकरो धणनासं कुणइ रक्खस वओ य । मझिम वओ पिसाओ तहय जमंसं च वजिज्जा ॥ ५८ मूलरासिस्स (मूलंस्स रासि ?) अंकं गिहनामक्खर वयंकसंजुत्तं । तिये ३ सेस मुणहु अंसा इंद-जमा तहय रायाणो ॥ ५९ गिहरिक्ख सामिरिक्खं पिंडं नव सेस छ चउ नव सुहया । मज्झिम दो पढमट्ठा ति पंच सत्ताऽहमा तारा ॥ ६० जह कन्ना-बरपीई गणिजए तह य सामिय गिहाय । जोणि-गणे-रासि-सव्वं तं जाणह जोय(इ)साओ य ॥ ६१
१ मिच्छाईसुं। २ तं नेयं । ३ अट्ठ गुण उडु भत्तं । ४ हवइ। ५गिहरिक्खं चउगुणिों नवभत्तं लद्ध भुत्तरासीओ। ६ सडठ्ठदु। ७ वसुभत्त रिक्खसेसं वयं । ८ आउ अंकाउ कमसो। ९तिविहुत्तु सेस अंसा इंदस-जमंसरायंसा। १० गेहभसामिभपिंडं नवभत्तं सेस छ चउ नव सुहया। मज्झिम दुग इग अट्ठा ति पंच सत्तहमा तारा ॥ ६० ॥ ११ गिहाण । १२ जोणि-गण-रासि पमुहा नाडी वेहो य गणियब्वो।
Jain Education International
For Private & Personal Use Only
www.jainelibrary.org
