Vidhi Marg Prapa

SR No.: 003393
Original Sutra Author: N/A
Author: Vinaysagar
Publisher: Prakrit Bharti Academy
Publication Year: 2000
Total Pages: 186
Language: Hindi, Sanskrit
Classification: Book_Devnagari, Ritual, & Vidhi
File Size: 12 MB

Page 91

सज्झायपट्ठवणविधि । काउस्सग्गं करेइ । अह कालकाउस्सग्गाणंतरं गच्छंतस्स पवेयणसमए वा भज्जइ तो मूलओ गच्छेइ । एगम्मि कालमंडले जइ तिन्नि वेला भज्जइ तो तम्मि गहणं न कप्पद । अओ दुइए कालमंडले इमाए विहीए मूलाओ घेप्पइ । तम्मि वि तिन्नि वेला; एवं तइए वि । अहवा अन्नम्मि कालमंडले जइ गेण्हिउं न जाइ तो एगंमि चेव नववेला घेप्पइ । तदुवरि न कप्पइ ।। ६३८. अहुणा विसेसेण कालम्गहणविही भण्णइ - तत्थ पाभाइयस्स ताव जहा पच्छिमदिसि ठवणायरियं । ठविता, दंडगं च तस्स समीवे धरिय कालग्गाही वामपासहियदंडधरसमेओ कालमंडले ठाउं नमोक्कार भणइ । तओ दोवि आवस्सियं काऊण, असज्ज ३. निसीही ३. नमो खमासमणाणं ति भणंता ठवणायरियमंडले गंतूण खमासमणं दाउं भणंति – 'इच्छाकारेण संदिसह पाभाइउ कालु पडियरहं; इच्छं मत्थएण वंदामि' आवस्सी असज्ज ३. निसीही ३. नमो खमासमणाणं ति भणिय कालमंडलसगासे दोवि ठंति । तओ दंडधरो दिसालोयं करिय, आवस्सियाइ पुरोत्तं भणंतो ठवणायरियमंडलमागम्म, इरियं पडिक्कमिय, अट्टम्सासं काउस्सग्गं ।। करित्ता, नमोक्कारं भणइ । तओ मुहपोत्तिं पडिलेहिय, दुवालसावत्तवंदणं दाऊण, खमासमणपुवं 'इच्छाकारेण पाभाइयकालवेला वट्टइ, साहुणो उवउत्ता होह त्ति' भणिय, दंडं गिव्हिय, आवस्सियाई कुणंतो कालग्गाहिसमीवमागम्म पच्छिमामुहो चिट्ठइ । तओ कालग्गाही आवस्सिई असज्ज ३. निसीही ३. नमो खमासमणाणं ति भणंतो ठवणायरियमंडले गंतूण, इरियं पडिक्कमिय, अट्ठसासुस्सग्गं करिय, पारिय, पंचमंगलं भणिय, मुहपोत्ति पडिलेहिय, दुवालसावत्तवंदणं दाऊण, खमासमणदुगेण भणइ – 'पाभाइउ कालु संदिसावहं, पाभाइउ कालु 15 लेहं ।' जउ सुद्ध, तउ मोणेणं आवस्सी असज्ज ३. निसीही ३. नमो खमासमणाणं ति भणंतो कालमंडले जाइ । तदागमणे दंडधरो हत्थसंठियं दंडं तस्संमुहं ठवेइ । तओ कालग्गही तयग्गे उद्धढिओ इरियं पडिक्कमिय, अट्ठस्सासमुस्सग्गं करिय पारिय, नमोक्कारं भणिय, संडासगे पडिलेहिय, उवविसिय, पुत्तितिगपडिलेहणेण अक्खलियाइविहिणा रयहरणेण वारतिगं कालमंडलं पडिलेहेइ । इत्थ कालमंडलकरणे उव
ओगहत्थपरावत्ताइविही गुरुमुहाओ सिक्खियो । न लिहिउं पारिजइ । तओ दंडयं नमोक्कारपुवं दंडधर- ॥ करे समप्पेइ । अणंतरं पाए हत्थेसु लाएयंतो निसीही नमोखमासमणाणं ति भणंतो, कालमंडले पविसिय, चोलपढें वेइयाअंतो पडिलेहिय, उद्धो होऊण भणइ – 'उवउत्ता होह । पाभाइयकाललियावणियं करेमिकाउस्सग्गं, अन्नत्थूससिएणमिच्चाइ' जावअगुस्सासं काउस्सग्गं उद्धट्ठिय दंडधरधरिय दंडअग्गे करिय पारित्ता सणियं बाहाओ समाहटु रयहरणसणाहं मुहपोत्तियं मुहे दाउं, जोडियकरसंपुडो चउवीसत्थयं भणिय, दुमपुफिय सामन्नपुवियअज्झयणे तइयअज्झयणसिलोगं च चिंतेइ । णवरं अज्झयणसमत्तिआलावगे न । उच्चारेइ । उच्चारणे कालवहो । एवं पुवाए चिंतिय, दाहिणाए पच्छिमाए उत्तराए य सिलोग १७ चिंतेइ । दंडधरो वि जत्थ जत्थ सो पडिदिसं पाए ठाविस्सइ, तत्थ तत्थ रयहरणेण अग्गं पडिलेहेइ । पुणो पुश्वदिसाए बाहाओ अवलंबिय, नमुक्कारं चिंतिय, पारित्ता नमोक्कारं कड्डित्ता, 'मत्थएण वंदामि आवस्सिई असज्ज ३. निसीही ३. नमो खमासमणाणं' ति भणंतो, ठवणायरियमंडलसमीवे पविसिय, खमासमणपुवं इरियं पडिकमइ । काउस्सग्गे नमुक्कारं चिंतिय पारिता भणित्ता य, खमासमणमुहपोत्तिपुवं वंदणं दाऊण-'इच्छाकारेण " संदिसह पाभाइउ काल पवेयहं । इच्छाकारि तपसियहु पाभाइउ कालु सूझइ' । सधे भणंति सूझति ति । तओ दोवि जाणुट्टिया दुमपुफियज्झयणेण सज्झायं करेंति । तओ कालुग्गाही दुवालसावत्तवंदणं दाउं भणइ 'इच्छकारि तपसियह दिळं सुयं?' । सो भणंति न किंचि । एवं वाघाइय-अवरत्तिय-वेरत्तिया वि तबयणाभिलावेण धिप्पंति । नवरं पाभाइयकालो पभाए वसहिपवेयणाणंतरं पवेइज्जइ । सेसा गहाणंतरं चेव पवेइज्जति । तहा पाभाइयकालो अवरहे पडिलेहणाए कयाए सज्झायं पट्ठविय, कालमंडलाई दुक्खुत्तो से काउं, पञ्चक्खाणं वंदणं दाऊण, सज्झायपडिकमणाणंतरं च पडिकमिज्जइ । अन्भसंघडाइसु उदुबळे गजि
www.jainelibrary.org |