Page Text
________________
.
विधिप्रपा। तह जो भवो पाविय वयाई पालेइ अप्पणा सम्म । अन्नेसि वि भवाणं देइ अणेगेसि हियहे ॥१४॥ सो इह संघपहाणो जुगप्पहाणो त्ति लहइ संसदं । अप्पपरेसिं कल्लाणकारओ गोयमपहु च ॥१५॥ तित्थस्स बुड्डिकारी अक्खेवणओ कुतित्थियाईण ।
विउसनरसेवियकमो कमेण सिद्धिं पि पावेइ ॥१६॥ उट्ठावणा जहन्नओ सत्तराईदिएहिं, सा पुण पुधोवट्ठावियपुराणस्स कीरइ । मज्झिमओ चउहिं मासेहिं, सा य अणहिजओ मंदसद्धस्स य । उक्कोसओ छम्मासेहिं, सा य दुम्मेहस्स । असद्भहओ य लग्गाइकारणे य अइरिनेणावि कालेण कीरइ ति ॥
॥ उट्ठावणाविही समत्तो ॥२०॥ ६३४. उट्ठाविएण य सुयमहिज्झियवं । सुयाहिज्झणं च न जोगवहणमंतरेण त्ति संपयं जोगविही भण्णइ-तत्थ पढमं ताव जोगवाहीहिं एवं भूएहिं होय।।
पियधम्मा मुविणीया लज्जालुइया तहा महासत्ता। उज्जुत्ता य विरत्ता दढधम्मा सुट्टियचरित्ता ॥१॥ जियकोह-माण-माया जियलोहा जियपरीसहा निरुया। मण-वयण-कायगुत्ता एरिसया जोगवाहीओ ॥२॥ थोवोवहिओवगरणा निद्दजयाहारजयपहाणा य । आलोयणसलिलेणं पक्खालियपावमलपडला ॥३॥ कयकप्पतिप्पकिरिया सन्निहिचाई गुरूण आणरया।
अणगाढजोगिणो विहु अगाढजोगी विसेसेण ॥४॥ तत्थ पसत्थे दिणे अमियजोग-सिद्धिजोग -रविजोगाइगुणगणोवेए मिगसिराइनाणनक्खत्तजुत्ते मचुजोगवज्जपायाइदोसलेसादूसिए संझागय - रविगय–विड्डेर- सग्गहविलंबि – राहुय- गहभिन्ननक्सतचत्ते सुमेसु सुमिणसउणनिमित्तेसु दिणपढमपोरिसीए चेव अंगसुयक्खंधाणं उद्देस-समुद्देसाणुन्नाओ कीरति । नो पच्छिमपोरिसीए राईए वा । अज्झयणुद्देसाइयं राईए वि कीरइ । ॥ ३५. तहा जोगा दुविहा- गणिजोगा, बाहिरजोगा य । तत्थ गणिजोगा आगाढा चेव । आगाढा नाम जेसु सबसमत्तीए उत्तरीज्जइ । इयरे आगाढा अणागाढा य । तत्थ उत्तरज्झयणसत्तिक्कय पण्हावागरणमहानिसीहाणि आगाढा । आवस्सगाई अणागाढा असमत्तीए वि उत्तरिज्जइ ति काउं । अन्ने दिणचउक्काणंतरमुत्तरिज्जइ ति भणंति । तहा उकालिया कालिया य । तत्थुक्कालिएसु जोगुक्खेवो कीरइ न संघट्ट । केसिंचि मएण न जोगुक्खेवो न संघट्ट । कालिएसु जोगुक्खेवो संघटुं च । केसु वि आउत्तवाणयं च । " एयविहाणं पत्थावे भण्णिही।
६३६. तहा कालिएसु कालग्गहणाइयं च होइ । कालग्गहणं च अणज्झाए न विहेयचं ति पुषमणायणविही भण्णइ । तत्थ गब्भमासेसु कत्तिय-मग्गसिराइसु महियाए पडतीए रए वा जाव पडइ ताव असज्झाओ। जो महिया पडणसमकालमेव सर्व आउक्कायभावियं करेइ । अओ तकालसममेव सबचिहाओ निरुभति पाणिदयट्ठा । सचित्तो आरण्णो उद्धुओ आगओ रओ भण्णइ । वण्णओ ईसि आयंवो दियंतेसु
1B सुयमहिमणं। १'आताम्रो दिगन्तेषु' इति A टिप्पणी।
Jain Education International
For Private & Personal Use Only
www.jainelibrary.org
| SR No. | 003393 |
| Book Title | Vidhi Marg Prapa |
| Original Sutra Author | N/A |
| Author | Vinaysagar |
| Publisher | Prakrit Bharti Academy |
| Publication Year | 2000 |
| Total Pages | 186 |
| Language | Hindi, Sanskrit |
| Classification | Book_Devnagari, Ritual, & Vidhi |
| File Size | 12 MB |