Page Text
________________
विधिप्रपा। जो पुण रयणीपोसहमाययई सो वि संझसमयम्मि । पढम उवहियं पडिलेहिऊण तो पोसहे ठाइ ॥११॥ थंडिल्लपेहणाई सो वि विहीए करेइ सवं पि। पारितो पुण पोत्तिं पेहित्ता दो खमासमणे ॥१२॥ दाउं नवकारतिगं भणइ ठिओ एवमेव सामाइयं । पारेइ किं पुण 'भयवं दसण्ण'भणणे इह विसेसो ॥१३॥ गुरुजिणवल्लहविरइयपोसहविहिपयरणाउ संखेवा' । दंसियमेयविहाणं विसेसओ पुण तओ नेयं ॥ १४ ॥ आसाढाईपुरओ चउरंगुलवुड्डिमाहओ हाणी।
पिहरो दु-ति-ति-ति-एगे सही छट्ठदसट्टछहिं पउणो॥ १५ ॥ एयाए गाहाए उवरि पोसहिएण पडिलेहणाकालो नायबो ति ॥
॥ इति पोसहविही समत्तो ॥ १०॥
६१९. पुरोल्लिंगिया पडिकमणसामायारी पुण एसा । सावओ गुरूहिं समं इक्को वा 'जावंति चेइयाईति गाहादुग-थुत्तिपणिहाणवजं चेययाई वंदित्तु, चउराइखमासमणेहिं आयरियाई वंदिय, भूनिहियसिरो 15 'सवस्सवि देवसिय' इच्चाइदंडगेण सयलाइयारमिच्छामिदुक्कडं दाउं, उट्ठिय सामाइयसुत्तं भणित्तु, 'इच्छामि ठाइउं काउस्सग्ग'मिच्चाइसुत्तं भणिय, पलंबियभुयकुप्परधरिय नाभिअहो जाणुढे चउरंगुलठवियकडियपट्टो संजइकविट्ठाइदोसरहियं काउस्सग्गं काउं, जहकमं दिणकए अइयारे हियए धरिय, नमोक्कारेण पारिय, चवीसत्थयं पढिय, संडासगे पमज्जिय, उवविसिय, अलग्गविययबाहुजुओ मुहणंतए पंचवीसं पडिलेहणाओ काउं, काए वि तत्तियाओ चेव कुणइ । साविया पुण पुट्टि-सिर-हिययवजं पन्नरस कुणइ । उट्ठिय ७ बत्तीसदोसरहियं पणवीसावस्सयसुद्धं किइकम्मं काउं अवणयंगो करजुयविहिधरियपुत्ती देवसियाइयाराणं गुरुपुरओ वियडणत्थं आलोयणदंडगं पढइ । तओ पुत्तीए कट्टासणं पाउंछणं वा पडिलेहिय वामं जाणुं हिट्ठा दाहिणं च उर्ल्ड काउं, करजुयगहियपुत्ती सम्म पडिकमणसुत्तं भणइ । तओ दवभावुट्टिओ 'अब्भुट्टिओमि' इच्चाइदंडगं पढित्ता, वंदणं दाउं, पणगाइसु जइसु तिन्नि खामित्ता, सामन्नसाइसु पुण ठवणायरिएण समं
खामणं काउं, तओ तिन्नि साहू खामित्ता, पुणो कीइकम्मं काउं, उद्धट्टिओ सिरकयंजली 'आयरियउवज्झाए' 2. इच्चाइगाहातिगं पढित्ता, सामाइयसुत्तं उस्सग्गदंडयं च भणिय, काउस्सग्गे चारित्ताइयारसुद्धिनिमित्तं, उज्जोयदुगं चिंतेइ । तओ गुरुणा पारिए पारित्ता, सम्मत्तसुद्धिहेउं उज्जोयं पढिय, सबलोयअरिहंतचेइयाराहणुस्सग्गं काउं, उज्जोयं चिंतिय, सुयसोहिनिमित्तं 'पुक्खरवरदीवडे' कविय, पुणो पणवीसुस्सासं काउस्सग्गं काउं पारिय, सिद्धत्थवं पढित्ता, सुयदेवयाए काउस्सग्गे नमुक्कारं चिंतिय, तीसे थुइं देइ सुणेइ वा । एवं खित्त
देवयाए वि काउस्सग्गे नमुक्कारं चिंतिऊण पारिय, तत्थुई दाउं सोउं वा पंचमंगलं पढिय, संडासए पमज्जिय, • उवविसिय, पुर्व व पुत्तिं पहिय, वंदणं दाउं, 'इच्छामो अणुसिडिंति भणिय, जाणूहिं ठाउँ वद्धमाणक्खरस्सरा
1B °समणा। 2 B संखेवो। + 'एवं द्वादशमासेषु'। 'यथासंख्येन षडादिभिरंगुलैः' इति A आदर्श स्थिता टिप्पणी।
Jain Education International
For Private & Personal Use Only
www.jainelibrary.org
| SR No. | 003393 |
| Book Title | Vidhi Marg Prapa |
| Original Sutra Author | N/A |
| Author | Vinaysagar |
| Publisher | Prakrit Bharti Academy |
| Publication Year | 2000 |
| Total Pages | 186 |
| Language | Hindi, Sanskrit |
| Classification | Book_Devnagari, Ritual, & Vidhi |
| File Size | 12 MB |