Page Text
________________
विधिप्रपा।
भणइ-पोरिसि पुरिमड्डो वा, तिविहारं चउविहारं वा, एकासणउं निवी आंबिलु वा, जा काइ वेला, तीए भत्तपाणं पारावेमिति । तओ सक्कत्थयं भणिय, खणं सज्झायं च काउं, जहासंभवं अतिहिसंविभागं काउं, मुह-हत्थे पडिलेहिय, नमोक्कारपुवं, अरत्तदुट्टो असुरसुरं अचवचवं अट्ठयमविलंबियं अपरिसाडिं जेमेइ । तं पुण नियघरे अहापवत्तं फासुयं ति; पोसहसालाए वा पुवसंदिट्ठसयणोवणीयं । न य भिक्खं हिंडेइ । तओ 5 आसणाओ अचलिओ चेव दिवसचरिमं पच्चक्खइ । तओ इरियावहियं पडिक्कमिय, सक्कत्थयं भणइ । जइ पुण सरीरचिताए अट्ठो तो नियमा दुगाई आवस्सियं करिय साहु व उवउत्ता निजीवथंडिले गंतुं 'अणुजाणह जस्सावग्गहो' ति भणिऊण, दिसि-पवण-गाम-सूरियाइसमयविहिणा उच्चारपासवणे वोसिरिय, फासुयजलेणं आयमिय, पोसहसालाए आगंतूण, निसीहियापुवं पविसिय, इरियावहियं पडिक्कमिय, खमासमणपुवं भणंति-'इच्छाकारेण संदिसह गमणागमणं आलोयहं' । 'इच्छं' आवस्सियं करिय, अवर-दक्खिण10 प्पमुहदिसाए गच्छिय, दिसालोयं करिय, संडासए थंडिलं च पडिलेहिय, उच्चार-पासवणं वोसिरिय, निसीहियं करिय, पोसहसालं पविट्ठा आवतजंतेहिं जं खंडियं जं विराहियं तस्स मिच्छामि दुक्कडं । तओ सज्झायं ताव करेइ, जाव पच्छिमपहरो । जाए य तम्मि खमासमणपुवं 'पडिलेहणं करेमि, पुणो पोसहसालं पमज्जेमि'त्ति भणइ । तओ पुवं व अंगपडिलेणं काउं, पोसहसालं दंडग-पुंछणेण पमज्जिय, कज्जयं उद्धरिय, परिट्ठविय, इरियं पडिक्कमिय, ठवणायरियं पडिलेहिय ठवेइ । तओ गुरुसमीवे ठवणायरियसमीवे वा 15 खमासमणदुगेण मुहपोत्तिं पडिलेहिय, पढमखमासमणे 'इच्छाकारेण संदिसह भगवन् ! सज्झायं संदिसा
वेमि'; बीए खमासमणे 'सज्झायं करेमि'त्ति भणिय, काऊण य, वंदणयं दाऊण गुरुसक्खियं पच्चक्खाइ । तओ खमासमणदुगेण उवहिथंडिलपडिलेहणं संदिसाविय, खमासमणदुगेण 'बइसणं संदिसावेमि, बइसणे ठामि'त्ति भणिय वत्थकंबलाइ पडिलेहेइ । इत्थ जो अभत्तही सो सबोवहिपडिलेहणाणंतरं कडिपट्टयं पडिलेहेइ । जो पुण भत्तट्टी सो कडिपट्टयं पडिलेहिय, उवहि पडिलेहेइ त्ति विसेसो । तओ सज्झायं ताव७ करेइ, जाव कालवेला । जायाए य तीए उच्चारपासवणथंडिले चउवीसं पडिलेहिय, जइ तम्मि दिणे चउइसी तो पक्खियं चउम्मासियं वा; अह अट्ठमी उद्दिवा पुन्नमासिणी वा तो देवसियं; अह भद्दवयसुद्धचउत्थी तो संवच्छरियं, पडिक्कमणसामायारीए पडिक्कमिय साहुविस्सामणं कुणइ । तओ सज्झायं ताव करेइ जाव पोरिसी । उवरिं जइ समाही तो लहुयसरेणं कुणइ; जहा खुद्दजंतुणो न उठ्ठिति । तओ असज्झभणणपुरओ भूमिपमज्जणाइविहिविहियसरीरचिंतो खमासमणदुगेण मुहपोत्तिं पडिलेहिय, खमासमणेण राई2. संथारयं संदिसाविय, बीयखमासमणेण राईसंथारए ठामि त्ति भणिय, सक्कस्थयं भणइ । तओ संथारगं उत्तरपट्टं च जाणुगोवरि मीलित्तु पमज्जिय भूमीए पत्थरेइ । तओ सरीरं पमज्जिय, निसीही 'नमोखमासमणाणं'ति भणिय, संथारए भविय, नमोक्कारतिगं सामाइयं च उच्चारिय
अणुजाणह परमगुरू गुणगणरयणेहिं भूसियसरीरा । बहुपडिपुन्ना पोरिसि राईसंथारए ठामि ॥१॥ अणुजाणह संथारं बाहुवहाणेण वामपासेण । कुक्कुडपायपसारण 'अतुरंतु पमजए भूमिं ॥२॥ संकोइयसंडासे उबत्तंते य कायपडिलेहा । दवाओ उवओगं ऊसासनिरंभणा लोए ॥३॥ जइ मे होज पमाओ इमस्स देहस्स इमाइ रयणीए ।
आहारमुवहिदेहं तिविहं तिविहेण वोसिरियं ॥ ४ ॥ 1B अंतरंतु।
For Private & Personal Use Only
Jain Education International
www.jainelibrary.org
| SR No. | 003393 |
| Book Title | Vidhi Marg Prapa |
| Original Sutra Author | N/A |
| Author | Vinaysagar |
| Publisher | Prakrit Bharti Academy |
| Publication Year | 2000 |
| Total Pages | 186 |
| Language | Hindi, Sanskrit |
| Classification | Book_Devnagari, Ritual, & Vidhi |
| File Size | 12 MB |