Page Text
________________
उपधानविधि।
११
चउवीसत्थयं भणित्ता, नवकारतिगं भणितु,-'नाणं पंचविहं पण्णत्तं तं जहा-आभिणिबोहियनाणं, सुयनाणं, ओहिंनाणं, मणपज्जवनाणं, केवलनाणं,...जाव...सुयनाणस्स उद्देसो समुद्देसो अणुन्ना अणुओगो पवत्तइ'इति मंगलत्थं नंदि कट्ठिय सूरी निसिज्जाए उवविसिय 'भो भो देवाणुप्पिय' इच्चाइगाहाहिं, अह वा
कल्लाणकंदकंदलकारणमइतिक्खदुक्खनिद्दलणं। सम्मइंसणरयणं सिवसुहसंसाहगं भणियं ॥१॥ तस्स य संसिद्धिविसुद्धिसाहगं बाहगं विवक्खस्स । चिइवंदणमिह वुत्तं तस्सुवहाणं अओ वुत्तं ॥२॥ लोए वि अणेगंतियपयत्थलंभे निहाणमाइम्मि । पुरिसा पवत्तमाणा उवहाणपरा पयति ॥ ३ ॥ किं पुण एगंतियमोक्खसाहगे सयलमंतमूलम्मि ।
पंचनमोकाराईसुयम्मि भविया पयता ॥४॥ किंच-कप्पियपयत्थकप्पणपउणा वरकप्पपायवलया वि।
पाविजइ पाणीहिं ण उणो चीवंदणुवहाणं ॥५॥ लाभंमि जस्स नूणं दसणसुद्धिवसेणनिमिसेणं । करतलगय व जायइ सिद्धी धुवसिद्धिभावस्स ॥ ६ ॥ धन्ना सुणंति एवं मुणंति धन्ना कुणंति धन्नयरा। जे सद्दहंति एयं ते विहु धन्ना विणिहिट्ठा ॥७॥ कम्मक्खओवसमेणं गुरुपयपंकयपसायओ एयं ।
तुन्भेहिं सुयं मुणियं सहहियमणुट्टियं विहिणा ॥८॥ इच्चाइगाहाहिं देसणं करित्ता तिसंझं चेइय-साहुवंदणाभिग्गहं देइ । तओ वासक्खए अभिमतेइ | 24 तम्मि समये सुरहिगंधड्डा अमिलाणसियपुप्फमाला सत्सरिया जिणपडिमापाओवरि विण्णसणीया । तओ उट्ठाय सूरी जिणपाए सुगंधे खिविय चउविहसंघस्स वासक्खए देइ । तओ मालागाही वंदित्ता भणइ'इच्छाकारेण तुम्भे अम्हं पंचमंगलमहासुयक्खंघ अणुजाणह' । गुरू भणइ-'अणुजाणामो' । तओ सीसो वंदिय भणइ-'संदिसह किं भणामो ?' । गुरू भणइ-वंदित्ता पवेयह' । पुणो वंदिय सीसो भणइ'इच्छाकारेण तुम्भे अम्हं पंचमंगलमहासुयक्खंधो अणुन्नाओ ?' । तओ गुरू वासे खिवंतो भणइ-'अणु- 23 नाओ' ।३ खमासमणाणं । हत्थेणं सुत्तेणं, अत्थेणं, तदभएणं, 'सम्म धारणीओ, चिरं पालणीओ, साहं पइ पुणु अन्नेसि पि पवेयणीओ त्ति' । सीसो भणइ-'इच्छामो अणुसहि'। सीसो वंदिय भणइ-'तुम्हाणं पवेइयं, संदिसह साहूणं पवेएमि' । गुरू भणइ-पवेयह' । तओ वंदिय, नमोक्कारं भणंतो पयक्खिणं देइ । संघो गुरू य तस्स सिरे वासे अक्खए य खिवइ; 'नित्थारगपारगों होहि'त्ति भणिरो । एवं पढमा पयक्खिणा ॥ १ ॥ 'इरियावहियासुयक्खं, अणुजाणह'-अणेण अभिलावेण सधे आलावगा भणिज्जंति । " बीया पयक्खिणा ॥ २ ॥ भावारिहंतत्थयं अणुजाणह'-अणेण तईया पयक्खिणा ॥ ३ ॥ 'ठवणारिहंतत्थयं अणुजाणह'-अणेण चवथी पयक्खिणा ॥ ४ ॥ नामारिहंतत्थयं अणुजाणह'-अणेण पंचमी पयक्खिणा ॥ ५॥ 'सुयत्थयं अणुजाणह'-अणेण छट्ठी पयक्खिणा ॥ ६॥ 'सिद्धत्थयं अणुजाणह'-अणेण सत्तमी पयक्खिणा ॥ ७ ॥ सत्तमु य पयक्खिणासु सत्त गंधमुट्ठीओ हवंति । अन्ने अक्खयदाणाणंतरं एगहेलाए चिय सत्त गंधमुट्टीओ दिति ति ॥
Jain Education International
For Private & Personal Use Only
www.jainelibrary.org
| SR No. | 003393 |
| Book Title | Vidhi Marg Prapa |
| Original Sutra Author | N/A |
| Author | Vinaysagar |
| Publisher | Prakrit Bharti Academy |
| Publication Year | 2000 |
| Total Pages | 186 |
| Language | Hindi, Sanskrit |
| Classification | Book_Devnagari, Ritual, & Vidhi |
| File Size | 12 MB |