Vidhi Marg Prapa

SR No.: 003393
Original Sutra Author: N/A
Author: Vinaysagar
Publisher: Prakrit Bharti Academy
Publication Year: 2000
Total Pages: 186
Language: Hindi, Sanskrit
Classification: Book_Devnagari, Ritual, & Vidhi
File Size: 12 MB

Page 55

उपधानविधि । वा विसिट्ठकयनेवत्था महया विच्छड्डेणं गुरुसमीवमागम्म समवसरणं वत्थ-नेवेज-अक्खय-थालनालिएरविसिटुं पूयाए पूइऊण नालिकेरं अंजलीए करिता पयाहिणं करेइ, चउसु ठाणेसु पणामपुवं । तओ समवसरणपुरओ अक्खए नालिएरं च मुंचहा । तओ दुवालसावत्तवंदणं दाउं, खमासमणं दाऊण भणइ -'इच्छाकारेण तुब्मे अम्हं पंचमंगलमहासुयक्खंधाइउवहाणतवं उक्खिवह' । गुरू भणइ'उक्खिवामो'। तओ 'इच्छंति भणित्ता, वंदिय भणइ -'इच्छाकारेण तुम्भे अम्हं पंचमंगलमहासुंयक्खं-' धाइउवहाणतवउक्खिवणत्थं काउसग्गं करावेह' । गुरू भणइ -'करेह' । सीसो 'इच्छंति भणिय, खमासमणं दाउं भणइ - 'पंचमंगलमहासुयक्खंधाइउवहाणतवउक्खिवणत्थं करेमि काउस्सग्गं । अन्नत्थे ऊससिएण'मिच्चाइ । तत्थ नवकारं उज्जोयगरं वा चिंतेइ । तओ नमोकारेण पारित्ता, नमोक्कार उज्जोयगरं वा भणिय, खमासमणं दाउं, भणइ -'इच्छाकारेण तुम्भे अम्हं पंचमंगलमहासुयक्खंधाइउवहाणतवउक्खिवणत्थं चेइयाइं वंदावेह' । गुरू भणइ -'वंदोवेमो' । सीसो भणइ- 'इच्छं'ति । तओ गुरू तस्सु.॥ तमंगे वासे खिवेइ, वारतिन्नियं सत्त वा । तओ गुरू चउविहसंघसहिओ वलृतियाहिं थुईहिं चेइए वंदावेइ । संतिनाह-सुयदेवयापमुह-जाव-सासणदेवयाए काउस्सग्गे करित्ता, तासिं चेव थुईओ दाउं, सासणदेवयाए काउस्सग्गं चउरो उज्जोयगरे चिंतिय, नमोक्कारेण पारिय, थुई दाउं, चउवीसत्थयं कहिचा, नवकारतियं कहिय, बइसिऊण, सक्कत्थयं कहिय, पंचपरमेट्ठिथवं भणेइ । तओ गुरू लोगुत्तमाणं पाएसु वासे छुहिय, समवसरणंमि सचदेवयाणं सरणं करिय, वासे खिवेइ । तओ वद्धमाणविज्जाइणा अक्खए । वासे य अहिमंतिय चउविहसंघस्स दाऊण, गुरू सीसं दुवालसावत्तवंदणं दाविय, भणावेइ -'इच्छाकारेण तुन्भे अम्हं पंचमंगलमहासुयक्खंधाइउवहाणतवं उद्दिसह' । गुरू भणइ -'उद्दिसामो' । सीसो 'इच्छं' इति भणिय, वंदिय, भणइ -'संदिसह किं भणामो'। गुरू भणइ –'वंदित्ता पवेयह' । सीसो 'इच्छंति भणिय, खमासमणेणं वंदिय, भणइ -'इच्छाकारेण तुम्भेहिं अम्हं पंचमंगलमहासुयक्खंधाइउवहाणतवो उद्दिट्टो ?' । तओ गुरू वासे खिवंतो आह-'उद्दिट्टो' । ३ खमासमणाणं । हत्थेणं सुत्तेणं अत्थेणं तदुभएणं ॥ सम्म जोगो कायबो । सीसो भणइ -'इच्छामो अणुसट्टि' । तओ वंदिय भणइ -'तुम्हाणं पवेइयं; संदिसह साहूणं पवेएमि' । गुरू भणइ -पवेयह' । तओ वंदिय, नम्मोक्कारं भणंतो पयक्खिणं करेइ । अणेण विहिणा अन्ने वि दो वारे पयक्खिणं करेइ । चउविहो वि संघो तस्सुत्तमंगे वासे अक्खए य खिवह । तओ खमासमणं दाउं भणइ -'तुम्हाणं पवेइयं, साहूणं पवेइयं; संदिसह काउस्सग्गं करेमि' । गुरू भणइ-'करेह' । तओ वंदिय खमासमणेणं भणइ –'पंचमंगलमहासुयक्खंधाइउवहाणतवउद्देसनिमित्तं करेमि काउस्सगं ।
अन्नत्थ ऊससिएणं' इच्चाइ । उज्जोअगरं चिंतिय सागरवरगंभीरा जाव पारिय, चउविसत्थयं पढइ । तओ पंचमंगलमहासुयक्खंघाइउवहाणतवउद्देसनंदिथिरीकरणत्थं अहुस्सासं उस्सगं काउं नमोकारं भणिता, खमासमणदुगदाणपुवं पुत्तिं पहिय वंदणं दाउं भणइ -'इच्छाकारेण संदिसह, पवेयणं पवेयहं' । गुरू भणइ - पवेयह' । तओ वंदिय भणइ -'पंचमंगलमहासुयक्खंधदुवालसमपवेसनिमित्तु' तपु करहं । गुरू भणइ -'करेह' । वंदिय उववासाइतवं करेइ, वंदणं देइ । तम्मि चेव समए पोसहं करेइ सज्झाए वा. करेइ । तत्थ पोसहविही सबो वि कीरइ ।
-
-
* 'उक्खिवावणियं नंदिपवेसावणियं करेमि । इति B टिप्पणी। + 'ईयाँ प्रतिक्रम्य मुखत्रिको प्रतिलिस्य । इति B टिप्पणी। 1A अनत्थूससिएण। 2 B निमित्तं तवु ।