________________
वात नागजी-नागवन्तीरी
अथ श्रीनागजी नै नागवन्तीरी बात लिख्यते
१. चवदै चाल कछरो धणी जाखड़ी अहीर तिणरी नगरी में दुकाळ पड़ीयौ। तरै जाखड़े अहीर कामदारानु कहीयौ--सांभळो छो, चवदै चाळ कछरो लोक माळवै जांण पावै नहीं। आपण कोठारस सब लोकांन' चाहीजै सु धान रुपीया वैगेरा' देवो। तर कामदारां कह्यौ-साहबजी, दुरस्त छ । तारै सारां उमरोवांन, लोकांनै धान कोठारसु दीयो। सारै ही लोक सुखसु रह्यौ ८ ने बारा मासां काळ काढीयो, ऊपरै पाऊगाळ आयो। तरै रईत लोक अोर ही सब लोक हरखवान हुवा' । अबै तो जमानो हुसी११ । पिण दूज वरस वळे काळ पड़ीयो ।
दुहा- मन चितै बहुतेरीयां, किरता करै सु होय ।
__उलटी करणी देवरी१२, मतो ३ पतीजो कोय ॥१ २. वात ४-तरे१५ कामदारां अरज कीवी-महाराजा ! एक तो काळ काढ़ीयो नै वळे अो दूसरो काळ पडीयो। अबै आपरो हुकम हुवै सु करां । तारे जाखड़ेजी कह्यौ-सुणो छो, जठां तांई आपण कोठार मांहे अन धन छै६ तठां तांईं सब लोकांनै देवो । किण ही नै वीषरण देवो मत । आपणो सुखदुख रईत भेळो काढणो छ । जे रईत सुख पावसी तो वळे कोठार, भंडार घणाई भरस्यां । तिणसु जठां तांई कोठारमै छ तठा ताई किणहीन ना कहो मती नै कोठार फूटीयाँ पछै जिकुं होवणहार छै तिकु हुसी।
दुहा- लाख सयाणप कोड़ बुध, कर देषो सब२० कोय । ___ अणहुणी हुणी नहीं, होणी हुवै सु होय ॥ २
१. ख. कामदारांनं। २. ख. धणी लोक । ३. ख. सर्वलोकन। ४. ख दिरावो। ५. ख. वगरे। ६. ख. तरां। ७. ख. दुरस। ८. ख. सुखसु खुसीसुं रह्यो । ६. ख. पाऊकाळ । १०. ख. लोक बडो राजी हुवो उ घणो हर्ष हुउ । ११. ख. अबै तो परमेस्वर जमांनो करसी। १२. ख. देवकी। १३. ख. मतां । १४. ख. वार्ता । १५. ख. यतरै । १६. ख. प्रापणे कोठार भांडार छ । १७. ख. सर्व । १८. ख. पासी । १६. ख. निठीयां । २०. ख. सहु ।
Jain Education International
For Private & Personal Use Only
www.jainelibrary.org
