________________
परिशिष्ट
गुरुदेवरी प्राण, घोड़ीरै पगां ठळकती नेवरी । चांदीरी खुरताळ, घोड़ीरे हरियाला नेवर वाजणा । घमके घूघरमाळ, घोड़ी नानासणारी नेवरयां । गुरुदेवरी आण, घोड़ीरे झूल बणी जंगाल जी। गुरुदेवरी आण, घोड़ीरे दुमची फूंदा पाटका । गुरुदेवरी प्राण, घोड़ी ताजी जुगको ताजणो। सतजगरो पलाण, घोड़ीरे लाख लाखरा पागड़ा । गुरुदेवरी आण, घोड़ीरे सिंगाड़ो सोने जड़यो। हीरा तपे ललाड़, घोड़ीरे मोती बालां जड़या। लाला जड़ी लगाम, चांवड़ने तुरों तो ओपे घणो। तुएँ तार हजार, रे वेलामें चमके वीजळी ।
[ जयमतो विरह-वर्णन ] गुरुदेवरी प्राण, हीरा काजळसू काळी पडूं । रूप देहीरो जाय, छोरी काजळसू काळी पडूं। बावां हाथरी मूंदड़ी, छोरी रळकण लागी बांय। फूलांसू फोरी पडूं, छोरी गेलामें पाई नींद । नजरसूं देखू रावत भोजने, जदी खाऊं धान । पछ मगरांरा मोर, आज मीठा घणा बोल्या । घणा बोल्या दादर मोर समन्दरा हंस जी । दियाड़ो घणो रूड़ो लागे पो हीरजी। छै दनरी ली रजिया भोज, यो छटो महीनो जाय ।
[ जयमती सौन्दर्य-वर्णन ]
भूल गया भगवान, भाभी ! वण साँचे दो घड़या । भूल गया भगवान, भाभी ! नहीं देवळ फूतळी । नहीं नारांमें नार भाभी ! नहीं देवळ फूतळी । गुरुदेवरी प्राण, भाभी जांघ देवळरो थंभ जी । पिण्डी बेलण होय, भाभी एड़ी तो सुपारो वणी । नाक वणी तलवार, देवी मुख गंगा खळक रही । गुरुदेवरी प्राण, राणीरे गोड़ामें गुणेशजी। गोड़ामें गुणेशजी, देवीरी कमर केळीरी कामड़ी।
Jain Education International
For Private & Personal Use Only
www.jainelibrary.org
