________________
७८ ]
वीरमदे सोनीगरारी वात राव लाषणसी पीण साभलियो' जे सोनिगरीने ले गयो । लोहारांनै बुलाया । इसो भालो घडो तिणसुं एथ बैठा निबलानै मारां।
तरां लोहार साराई दुचिता बैठा' । तरै मिरधारी बेटी बोली। बापजी दुचिता क्युं बैठा छौ। तर कह्यौ रावल भालो घडावै सौ भालो न हूवौ । तरै डावडी कह्यौ लोह नै मैनतरा' दाम उरा ल्यौ नै घर काम करो नै हु रावलजीनै जाब देखें।
तरै भालारा रुपीया ले आया। मास ६ हवा तरै रावलजी कह्यौ भालो उरो ल्यावो । तरां लोहाररी बेटी हाथ जोडनै कह्यौ। रावलजी साहीब भालैरो मोनै घणो सोच छ । रावलजी तो पूषता1° छै नै निबौ तो मोटीयार छ । कदेस भालो पकड़नै पूठो रावलजीने वावै'' तो म्है किसुंण करां।
तारां रावलजी कह्यौ। हां म्हारी नाहर, भलो वेगौ कह्यौ। भालो भांभरालो देषीयो निंबलो ले जायलो। रावलजी लोहारांनै परची दिराई । भालो भंजायो ।
रावलजी सोनिंगरी गमाय बैठा ।
१. साभलियो - सुना। २. भालो घडो - भाला बनायो। ३. एथ - यहां । ४. तसं...बैठा - तब सभी लोहार चिन्तित हो बैठे। ५. मिरधारी – मिरधा नामक व्यक्तिकी (?)। ६ डावडी-लड़की। ७. मैनतरा - महिनतके। ८. उरा ल्यौ – पासमें लो। ६. जाब देखें - जवाब दूंगी, उत्तर दूंगी। १०. पूषता - पुख्ता, परिपक्व, वृद्ध । ११. मोटीयार - जवान, युवा । १२. पूठो - पीछेसे, वापस। १३. वावै – चलावे। १४. भाभरालो - बड़ा, जबरदस्त, भाभरा नामक क्रोधी भूतकी कथा प्रसिद्ध है। १५. भंजायो - तुड़वाया । १६. गमाय बैठा - खो बैठे।
Jain Education International
For Private & Personal Use Only
www.jainelibrary.org
