Page Text
________________
निशीथ-छेदसूत्रम् -३-१५/९२८
वा, फूमावेतं वा रया-तं वा सातिजति ।।
मू. (९२९)जे भिक्खू अन्नउत्थिएण वा गारस्थिएण वा अप्पणो कार्यसि वणं आमजावेज वा पमजावेज वा आमज्जावेंतं वा पमज्जावेंतं वा सातिजति ।।
मू. (९३०) जे भिक्खू अन्नउत्थिएण वा गारथिएण वा अप्पणो कार्यसि वणं संबाहावेज वा पलिमद्दावेज वा संबाहावेंतं वा पलिमद्दावेंतं वा सातिजति ।।
मू. (१३१) जे भिक्खू अन्नउत्थिएण वा गारथिएण वा अप्पणो कार्यसि वणं तेल्लेण वा घएण वा वसाए वा नवनीएण वा मक्खावेज वा भिलिंगावेज वा मक्खावेंतं वा भिलिंगावेंतं वा सातिजति॥
मू. (९३२) जे भिक्खू अन्नउथिएण वा गारथिएण वा अप्पणो कार्यसि वणं लोद्धेण वा कक्केण वा उल्लोलावेज वा उबट्टावेज वा उल्लोलावेंतं वा उव्वातं वा सातिजति ।।
मू. (९३३) जेभिक्खू अन्नउत्थिएण वा गारथिएणवाअप्पणो कार्यसि वणंसीओदगवियडेण वाउसिणोदगवियडेण वाउच्छोलावेज वापधोयावेजवा, उच्छोलावेंतंवा पधोयावेतं वासातिजति।।
मू. (९३४) जे भिक्खू अन्नउत्थिएण वा गारथिएण वा अप्पणो कार्यसि वणं फूमावेज वा रयावेज वा, फूमावेंतं वारयातं वा सातिजति॥
मू. (९३५) जे भिक्खू अन्नउत्थिएण वा गारथिएण वा अप्पणो कार्यसि गंडं वा पिलगंवा अरइयं वा असियं वा भगंदलं वा अन्नयरेणं तिखेणं सत्थजाएणं अच्छिदावेज वा विच्छिंदावेज वा अच्छिदावेंतं वा विच्छिदावेंतं वा सातिजति ।।
मू. (९३६) जे भिक्खू अन्नउत्थिएण वा गारस्थिएण वा अप्पणो कार्यसि गंडं वा पिलगंवा अरइयंवा असियं वा भगंदलं वा, अन्नयरेणंतिखेणं सत्यजाएणं अछिंदावित्तावा विच्छिंदावित्ता वा पूर्व वा सोणियं वानीहरावेज्जा वा विसोहावेज वा नीहारावेंतं वा विसोहावेंतं वा सातिजति।।
मू. (९३७) जे भिक्खू अन्नउत्थिएण वा गारथिएण वा अप्पणो कार्यसि गंडं वा पिलगवा अरइयं वा असियं वा भगंदलं वा, अन्नयरेणं तिक्खेणं सत्थजाएणं अच्छइंदावेत्ता विञ्छिदावेत्ता पूयंवा सोणियंवानीहरावेत्ताविसोहावेत्ता सीओदगवियडेणवाउसिणोदगवियडेण वा उच्छोलावेज वा पधोयावेज वा उच्छोलावेतं वा पधोयावेतं वा सातिजति ॥
मू. (९३८) जे भिक्खू अन्नउत्थिएण वा गारथिएण वा अप्पणो कार्यसि गंडं वा पिलगं वा अइयं वा असियं वा भगंदलं वा, अन्नयरेणं तिक्खेणं सत्यजाएणं अच्छिंदावेत्ता विच्छिदावेत्ता पूर्व वा सोणियं वा नीहरावेत्ता विसोहा वेत्ता सीओदगवियडेण वा उसिणोदगवियडेण वा उच्छोलावेत्तापधोयावेत्ता अन्नयरेणं आलेवणजाएणं आलिंपावेजवा विलिंपावेज वा आलिंपावेंतं वा पिलिंपावेंतं वा सातिजति ।।
मू. (९३९) जे भिक्खू अन्नउत्थिएण वा गारथिएण वा अप्पणो कार्यसि गंडं वा पिलगंवा अरइयं वा असियं वा भगंदलं वा, अन्नयरेणं तिक्खेणं सत्यजाएणं अच्छिदावेत्ता विच्छिंदावेत्ता पूर्व वा सोणियंवा नीहरावेत्ता विसोहावेत्ता सीओदगवियडेण वाउसिणोदगवियडेण वा उच्छोलावेत्ता पधोयावेत्ता अत्रयरेणं अलावणजाएणं आलिंपावेत्ता विलिंपावेत्ता तेल्लेण वा घएण वा वसाए वा नवनीएण वा अभंगावेज वा मक्खावेज वाअभंगावेंतं वा मक्खावेंतं वा सातिजति।।
Jain Education International
For Private & Personal Use Only
www.jainelibrary.org
| SR No. | 003370 |
| Book Title | Agam Sutra Satik 34 Nishith ChhedSutra 1 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 1372 |
| Language | Prakrit, Sanskrit |
| Classification | Book_Devnagari, Agam, Canon, Agam 34, & agam_nishith |
| File Size | 25 MB |