Page Text
________________
३९२
निशीथ - छेदसूत्रम् - २-१३ / ८६२
[भा. ४४६८ ] जंघाहीणे ओमे, कुसुमपुरे सिस्स जोगरहकरणं । खुडदुगंऽजणसुणणं, गमनं देसंत ओसरणं ॥
चू- अप्पणा गंतु असमत्था ओमकाले सीसस्स साहुगणं दाउ तं सुभिक्खं पट्टवेंति । तस्स य सीसस्स अंतद्धाणजोगं रहे एकांते कहेति । सो य अंजनजोगो दोहिं खुड्डगेहिं सुतो । ततो सो गच्छो पयट्टो जतो सुभिक्खं । ततो खुड्डगा दो वि आयरियनेहेण पडिबद्धा देसंताओ गच्छस्स ओसरिता आयरियसमिवमागया ।। तत्थ य
[भा. ४४६९]
भिक्खे परिहायंते, थेराणं ओमे तेसि देंताणं । सहभोज चंदगुत्ते, ओमोयरियाए दोब्बल्लं ॥
चू- ततो ते थेरा जं लब्धंति तं तेसिं खुड्डगाणं समतिरेगं देंति, अप्पणा ओमं करेंति । ततो तेहिं दोहिं वि खुड्डगेहिं सो अंतद्धाणजोगो मेलिओ, एगेणं अक्खी अंजिता बितितो न पस्सति । एवं लद्धपञ्चया भोयणकाले सह रन्ना चंदगुत्तेण भुंजंत, जं रन्नो सारीरयं भत्तं तं ते अंतद्धिया भुंजंति, ततो रन्नो ओमोयरियाए दोब्बलं जायं ॥ ततो चाणक्केण
[भा. ४४७०]
चाणक्कपुच्छ इट्टाल चुन्न दारं पिहेउ धूमो य । दिस्सा कुच्छ पसंसा, थेरसमीचे उचालंभो ॥
धू- पुच्छित्तो कीस परिहाणी ? भणाति - "मज्झ भत्तं को ति अतिद्धितो पक्खिवति त्ति, न जाणामि" । ततो चाणक्केण समंता कुड्डे दाउं एगदुवारा भुंजणभूमी कता । दारमूले य सुहुमो इट्टाल चुन्नो विक्खित्तो । राया अंतो एगागी निविट्ठो । ताहे खुड्डगा आगता, पचिट्ठा अंतो । दिट्ठा पयपद्धती चुन्ने । चाणक्केण नायं पादचारिणो एते, अंजणसिद्धा ।" ताहे दारं ठवेउं धूमो कतो, अंसुणा गलंतेण गलितं अंजणं, दिवं खुड्डगदुगं । चंदगुत्तो पिच्छति "अहमेतेहिं विट्टालितो ।” ततो अप्पसागारियं चाणक्केण नीणिता । धेराण समीवं चाणक्को गतो "कीस खुड्डे न सारवेह ।" तेन भणियं- “संता पडिचोदणा, मिच्छा मे दुक्कडं 'ति । गतो, खुड्डाण य वावारंतो पवूढो । [ भा. ४४७१] जे विजमंतदोसा, ते च्चिय वसिकरणमाइचुन्नेहिं । एगमणेगपदो, कुज्जा पत्थारतो वा वि ॥ असिवे ओमोयरिए, रायदुट्टे भए व गेलन्ने । अद्धाणरोह का, जयणाए भुंजई भिकखू ॥ संकरजडमउडविभूसणस्स तन्नामसरिसनामस्स । तस्स सुतेणेस कता, विसेसचुन्नी निसीहस्स ।। उद्देशकः-१३ समाप्तः
[भा. ४४७२]
मुनि दीपरत्नसागरेण संशोधिता सम्पादिता निशीय सूत्रे त्रयोदशउद्देशकस्य (भद्रबाहुस्वामि रचिता नियुक्ति युक्तं ) संघदास गणि विरचितं भाष्यं एवं जिनदास महत्तर विरचिता चूर्णिः परिसमाप्ता ।
३४ प्रथम छेद सूत्रं “निशीथं - २" परिसमाप्तं
(उद्देशक : ७.... १३ पर्यन्ता : समाप्ताः )
For Private & Personal Use Only
Jain Education International
www.jainelibrary.org
| SR No. | 003370 |
| Book Title | Agam Sutra Satik 34 Nishith ChhedSutra 1 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 1372 |
| Language | Prakrit, Sanskrit |
| Classification | Book_Devnagari, Agam, Canon, Agam 34, & agam_nishith |
| File Size | 25 MB |